აგიოს პანტელეიმონის ეკლესიაში სირიელი დანით და ყურანით შევიდა და “ალაჰ აკბარ” ყვიროდა

პოლიციამ დღეს საღამოს, 19:00 საათის შემდეგ სირიელი მამაკაცი დააკავა, რომელიც პირველადი ინფორმაციით, ახარნონზე, ათენის წმინდა პანტელეიმონის ეკლესიაში საეჭვოდ იქცეოდა.

გავრცელებული ინფორმაციით, ეს ყველაფერი მაშინ მოხდა, როდესაც ტაძარში შესული უცხოელი მამაკაცი შენიშნეს, რომელიც საკმაოდ უცნაურად იქცეოდა. იქ მყოფმა სტიქაროსანმა მაშინვე აცნობა OPKE-ს ჯგუფს, რომელიც იმ ტერიტორიაზე იმყოფებოდა და მოითხოვა შეემოწმებინათ იგი.

შემთხვევის ადგილზე მისულ პოლიციას მამაკაცმა წინააღმდეგობა გაუწია და „ალაჰ აკბარ“ ყვირილი დაიწყო. პოლიციამ საბოლოოდ მოახერხა მისი დაკავება. მას ხელთ ჰქონდა ზურგჩანთა, რომელშიც დანა და ყურანი იპოვეს.

დაკავებული მამაკაცი 24 წლის სირიელია და მსგავსი ქმედების გამო ადრეც იყო პოლიციის მიერ შემჩნეული. კერძოდ, ვარაუდობენ, რომ წარსულში ის ეკლესიაში შევიდა და ყურანის კითხვა დაიწყო, რის შედეგადაც მის წინააღმდეგ საქმე აღიძრა.

ამასთან, მამაკაცს წარსულში ჩაუტარდა ფსიქიატრიული ექსპერტიზაც, თუმცა მისი დაკავება საჭიროდ არ ჩაითვალეს.

ამჟამად მამაკაცი პოლიციის ადგილობრივ სამმართველოშია გადაყვანილი. მომხდარ ფაქტზე მიმდინარეობს გამოძიება.