იერუსალიმის საპატრიარქოში აღდგომის აღნიშვნა წმინდა მიწაზე შექმნილი კრიზისის გამო შეზღუდულია
იერუსალიმის საპატრიარქოში აღდგომის აღნიშვნა წმინდა მიწაზე შექმნილი კრიზისის გამო შეზღუდულია
ახლო აღმოსავლეთში მიმდინარე საომარი მოქმედებების შედეგად რეგინში უკიდურესად კრიტიკული სიტუაციის გამო შექმნილი სირთულეებიდან გამომდინარე, იერუსალიმის საპატრიარქომ წლევანდელ აღდგომის დღესასწაულთან დაკავშირებით ოფიციალური განცხადება გაავრცელა, რომელშიც რელიგიური ცერემონიების გარკვეული შეზღუდვებით ჩატარებაზე ისაუბრა.
უკვე მესამე წელია ცერემონიალი ძლიერი ადამიანური ტანჯვის ფონზე იმართება.
განსაკუთრებული ყურადღება ეთმობა ღაზას სექტორში არსებულ ვითარებას, სადაც საპატრიარქო გამოხატავს ღრმა მწუხარებას მაცხოვრებლების ტანჯვის გამო და გმობს თავდასხმებს დასავლეთ სანაპიროზე მშვიდობიან მოსახლეობაზე.
ამავდროულად, აღინიშნება, რომ წმინდა ადგილებზე, როგორიცაა ალ-აქსას მეჩეთი, დაწესებული შეზღუდვები გავლენას ახდენს რელიგიურ ცხოვრებაზე და მორწმუნეთა სულიერ კავშირზე საკულტო ადგილებთან.
არსებული მდგომარეობიდან გამომდინარე ბზობის კვირიდან აღდგომის კვირამდე წირვა-ლოცვები მხოლოდ ეკლესიებში ჩატარდება.
აღნიშნული გადაწყვეტილება საპატრიარქომ ტანჯული ადამიანებისადმი პატივისცემიდან გამომდინარე მიიღო.
