ილონ მასკის დედა მეი მასკი საბერძნეთში იმყოფება

საბერძნეთში, კუნძულ სანტორინზე, ფეშენებელური ტურიზმის საერთაშორისო კონფერენციის ფარგლებში  პლანეტის მეორე უმდიდრესი ადამიანის, ილონ მასკის  დედა, მეი მასკი იმყოფება.

ის ღონისძიებაზე Tesla-ს მანქანით და 8 მცველის თანხლებით მივიდა.

საერთაშორისოდ აღიარებული ავტორი, დიეტოლოგიის დოქტორი და სუპერმოდელი დაესწრო დისკუსიას საორგანიზაციო კომპანია “Update Entertainment”-ის ჟურნალისტთან და მმართველ დირექტორთან,  ელი სპიროპულოსთან და განმარტა, თუ როგორ თანამშრომლობს 50 წელიწადზე მეტი ხნის განმავლობაში წამყვან მოდის სახლებთან და საერთაშორისო ბრენდებთან.

ინტერვიუში სხვა საკითხებთან ერთად  მან ისაუბრა მძიმე განქორწინებაზე  31 წლის ასაკში და მის სამ შვილზე.

ყოფილმა ქმარმა მის წინააღმდეგ სარჩელი შეიტანა შვილების მეურვეობის მოთხოვნით, რადგან „ის იყო ცუდი დედა”, –  აღნიშნა  სტუმარმა, რამაც  დამსწრე აუდიტორიის მხიარულება  გამოიწვია.

ასევე  გაიხსენა ეპიზოდი, როდესაც  პირველად ეწვია საბერძნეთს მოდელ მეგობართან და მის შეყვარებულთან ერთად.

საბერძნეთში ყოფნის დროს მან ცხრა სხვადასხვა კუნძული მოინახულა, რომელთა შორის იყო სანტორინი.

საპატიო სტუმარმა  დადებითად შეაფასა  ბერძნების სტუმართმოყვარეობა   და გამოხატა სიყვარული ბერძნული კუნძულების მიმართ.

მეი მასკი ავტორია  ცნობილი წიგნისა სახელწოდებით “ქალი ისახავს მიზანს”, რომელიც სულ მოკლე დროში იქცა ბესტსელერად.

მიუხედავად იმისა, რომ მას აქვს წარმატებული კარიერა  როგორც მოდელს,  ინტერვიუში ასევე ისაუბრა  ჯანსაღ კვებაზე, სწავლაზე, თვითგანვითარებაზე  და მოუწოდა ქალებს ინვესტიციები ჩადონ არა მხოლოდ გარეგნულ სილამაზეში, არამედ მათ განათლებასა და უნარებში.