იშვიათი მოვლენა: წყლის ტორნადო ეგინია პიერიაში

იშვიათი მეტეოროლოგიური ფენომენი ეგინიო პიერიაში მცხოვრებმა დღეს, 10 აგვისტოს დააფიქსირა. ამინდის გაუარესების შემდეგ მოულოდნელად, არსაიდან, ცაში წყლის ტორნადო გამოჩნდა. მეტეოროლოგიური სამსახურის მიერ გამოქვეყნებულ ფოტოზე განმარტებულია, რომ ტორნადო ჰაერის ტემპერატურის მკვეთრი ცვლილების ფონზე ჩამოყალიბდა.

წყლის ტორნადოები ბუნებრივი მოვლენაა, რომელიც ბოლო დროს სულ უფრო მეტად შეინიშნება საბერძნეთში.  იგი განისაზღვრება  როგორც ჭექა-ქუხილის დროს  წყლის და ჰაერის კონტაქტისას წარმოქმნილი მორევი, რომელიც ცაში “კიდია” და ხშირ შემთხვევაში იწვევს მატერიალურ ზიანს. რამდენიმე ტორნადომ გამოიწვია ადამიანების სიკვდილის რისკი მიათან ახლოს გავლისას.

ჰაერის ამ მბრუნავ მორევს, როდესაც ის ხმელეთზე ჩნდება, ტორნადო ეწოდება (ინგლისურად ეს ტერმინი გვხვდება როგორც Tornado, ხოლო წყლის ზემოთ – Waterspout).

წყლის ტორნადოები უფრო სუსტია, ვიდრე ხმელეთის და მათი გადაადგილების სიჩქარე ერთი წერტილიდან მეორეზე გაცილებით ნელია. მათი დიამეტრი 3-დან 50 მეტრამდე მერყეობს და ძალიან იშვიათად შეიძლება მიაღწიოს 100-150 მეტრს, ხოლო მათი „სიცოცხლის დრო“ თითქმის ყოველთვის მხოლოდ რამდენიმე წუთია.