კავალა: ავტოსაგზაო შემთხვევამ 54 წლის კაცის სიცოცხლე იმსხვერპლა

კავალა: ავტოსაგზაო შემთხვევამ 54 წლის კაცის სიცოცხლე იმსხვერპლა

შაბათს, 8 ნოემბერს დილით ხრისუპოლი-კერამოტის მუნიციპალურ გზაზე მომხდარმა ავტოსაგზაო შემთხვევამ 54 წლის მძღოლის სიცოცხლე იმსხვერპლა.

გავრცელებული ინფორმაციის თანახმად კაცმა, გამოძიებისთვის ამ დრომდე დაუდგენელ მიზეზთა გამო, საჭეზე კონტროლი დაკარგა, გზის სავალი ნაწილიდან გადავარდა და გზის დამცავ ჯებირებს შეეჯახა.

დაშავებულის მანქანიდან გადმოსაყვანად სამაშველო სამსახურის ჩარევა გახდა საჭირო. კაცი ავტომანქანიდან სამმა მაშველმა გადმოიყვანა და სასწრაფო დახმარების ბრიგადას გადასცა.

მიუხედავად მყისიერი რეაგირებისა საავადმყოფოში მიყვანისას ექიმებმა დაადგინეს, რომ კაცისთვის ყოველგვარი სამედიცინო დახმარების გაწევა უკვე დაგვიანებული იყო.