კარდიცა: ავტოსაგზაო შემთხვევამ ადამიანის სიცოცხლე იმსხვერპლა

კარდიცა: ავტოსაგზაო შემთხვევამ ადამიანის სიცოცხლე იმსხვერპლა

კვირას საღამოს მომხდარი ავტოსაგზაო შემთხვევის შედეგად გარდაიცვალა 1 ადამიანი, ხოლო მეორე კი მძიმედ დაშავდა.

karditsalive.net-ის მიერ გავრცელებული ინფორმაციის თანახმად უბედური შემთხვევა საღამოს 17:00 საათზე ანავრადან სკომოვუს ტბის კაშხალისკენ მიმავალ გზაზე მოხდა. ერთმანეთს 2 მოტოციკლეტი შეეჯახა. ძლიერი შეჯახების შედეგად ერთი მოტოციკლეტისტი მძიმედ დაშავდა, ხოლო მეორე კი ადგილზევე დაიღუპა. საუბარი გვაქვს 21 და 19 წლის ახალგაზრდებზე, რომლებიც კარდიცას მაცხოვრებლები არიან.

გავრცელებული ინფორმაციის თანახმად დაშავებული ინტენსიური თერაპიის განყოფილებაში მოათავსეს.