კატო პატისია: კორპუსის ქვეშ მდებარე ღია ავტოსადგომზე შეკიდული ჭერი ჩამოვარდა
კატო პატისიაზე მდებარე ერთ-ერთი საცხოვრებელი კორპუსის ქვეშ მდებარე მანქანების ღია სადგომზე შეკიდული ჭერი მთლიანად მოწყდა იქვე გაჩერებულ ავტომანქანებს დაეცა.
ინციდენტი გასულ შაბათს დილით მოხდა, როდესაც კორპუსის მაცხოვრებლები ჯერ კიდევ საკუთარ ბინებში იმყოფებოდნენ, ამიტომ საბედნეროდ შემთხვევას მსხვერპლი არ მოჰყოლია.
შეკიდული ჭერის ჩამოვარდნამ სადგომზე გაჩერებულ მანქანებს სერიოზული მატერიალური ზიანი მიაყენა, ძლიერმა აფეთქებამ და მანქანების სიგნალიზაციამ ტერიტორიაზე ქაოსი გამოიწვია.
გარეთ გამოსულმა შეშინებულმა მობინადრეებმა და მიმდებარედ მაცხოვრებლებმა დაინახეს თუ როგორ დაეცა მთლიანი ჭერი ადგილებზე გაჩერებულ ორ მანქანას.
აღნიშნული სადგომი ორ საცხოვრებელ კორპუსს აკავშირებს, რის გამოც ორივე კორპუსის მცხოვრებლები ამ პუნქტს ყოველდღიურად გადიან.
როგორც ცნობილია, ეს არის შედარებით ახალი კონსტრუქცია, რომელიც უკიდურესად საშიში აღმოჩნდა, გაჩერებული მანქანები სერიოზულად დაზიანდა და სრულიად შესაძლებელი იყო დღის სხვა მონაკვეთში რომ მომხდარიყო, აღნიშნულ შემთხვევას მსხვერპლიც მოჰყოლოდა.
