კიფისიაში ცნობილი პლასტიკური ქირურგი დააკავეს

ცნობილმა პლასტიკურმა ქირურგმა იანის ლირასმა ღამე გაატარა კიფისიის პოლიციის სამმართველოში  ხანდაზმულ ქალთან კომუნალურ ნიადაგზე სასტიკი ჩხუბის შემდეგ.

ექიმსა და მისსავე კორპუსში მცხოვრებ 92 წლის ქალს შორის მომხდარი  დავის შედეგად ხანდაზმული  ქალი  სასწრაფო დახმარების მანქანით  საავადმყოფოში  გადაიყვანეს,  ხოლო ექიმი  პატიმრობაში იმყოფება და დღეს მას პროკურატურაში გადაიყვანენ. ინციდენტი  შაბათს ღამით 21:10 საათზე მოხდა .

გავრცელებული ინფორმაციით, ერთ საცხოვრებელ კორპუსში მცხოვრები 63 წლის ქირურგი  და 92 წლის ქალი   ერთმანეთს საყოფაცხოვრებო ნიადაგზე დაუპირისპირდნენ.

სცენა სულ უფრო და უფრო მძაფრდებოდა და ვითარება გამოვიდა კონტროლიდან, რის შედეგადაც პოლიციის ჩარევა გახდა საჭირო.

სასწრაფო მოქმედების საპატრულო მანქანამ, მიიღო სიგნალი და მივიდა კიფისიის საცხოვრებელ კორპუსში, სადაც მოხუცი ქალის თქმით, მას ექიმმა დაარტყა, რის შედეგადაც სასწრაფო დახმარების მანქანით ის  KAT-ის საავადმყოფოში გადაიყვანეს.

ქირურგმა მის წინააღმდეგ სარჩელი შეურაცხყოფისა და მუქარის ბრალდებით შეიტანა, ხანდაზმულმა ქალბატონმა ასევე სხეულის დაზიანების გამო, რის შედეგადაც 63 წლის მამაკაცი დააკავეს.