კომოტინი: პაციენტს, რომელიც იწონის 360 კილოგრამს უარს ეუბნებიან საავადმყოფოში გადაყვანაზე
კომოტინში მცხოვრები შერიფ სიაჰინი, რომელსაც მძიმე კლინიკური სიმსუქნის დიაგნოზი დაუსვეს, წლებია უპრეცედენტო ტანჯვას განიცდის მისი წონის გამო.
საბოლოოდ მან გადაწყვიტა საჩივარი შეეტანა, რადგან სასწრაფო დახმრების სამსახური უარს აცხადებს მის მომსახურებაზე, რადგან ის იწონის 360 კილოგრამს, რაც შეუძლებელს ხდის მის სასწრაფო დახმარების მანქანით საავადმყოფოში გადაყვანას.
პრობლემა ცოტა ხნის წინ გამოიკვეთა, როდესაც 58 წლის შერიფს საავადმყოფოში გადაყვანა დასჭირდა.
„112-დან ყოველთვის ეუბნებიან, რომ ჭარბწონიანია და ამიტომ სასწრაფოს არ უგზავნიან“, – აცხადებს ინვალიდის ადვოკატი .
58 წლის მამაკაცი საწოლშია მიჯაჭვული და მეუღლის ერთპიროვნული მხარდაჭერით ცდილობს გადარჩეს.
“ადამიანი იტანჯება, რადგან არც ერთი საავადმყოფო არ იღებს, ერთადერთი რითიც ეხმარებიან არის ის, რომ მასთან დროდადრო აგზავნიან ექიმს ნემსის გასაკეთებლად”, აცხადებს ადვოკატი და ხაზს უსვამს სასწრაფო დახმარების აუცილებლობას, რადგან მამაკაცს არ შეუძლია საწოლიდან ადგომაც კი მუდმივი ტკივილების გამო და სჭირდება ინექცია, რომ ტკივილები შეუმსუბუქდეს.
მაგრამ მისი ტანჯვა აქ არ მთავრდება, რადგან 58 ინვალიდმა მიიღო თანხმობა რიოს საუნივერსიტეტო ჰოსპიტალიდან შესაბამის მკურნალობაზე წონის დასაკლებად, მაგრამ მას არ შეუძლია ისარგებლოს შეთავაზებული მომსახურებით, რადგან ჯერ უნდა გაიაროს სპეციალური გამოკვლევები კომოტინის საავადმყოფოში, თუმცა კომოტინის საავადმყოფოში გადასაყვანად დახმარებას ის ამ დრომდე ამაოდ ელოდება!
