კორფუზე 75 წლის ქალი დააკავეს, რომელმაც ძაღლი მოკლა და მდინარეში გადააგდო
აღშფოთება გამოიწვია კუნძულ კორფუზე 75 წლის ქალის ქმედებამ, რომელმაც ცეცხლსასროლი იარაღით მოკლა ძაღლი, შემდეგ კი მდინარეში გადააგდო.
პოლიციის განცხადებით, 75 წლის ქალი გუშინ დააკავეს და მის მიმართ სისხლის სამართლის საქმე ცხოველის მოკვლისა და იარაღის მართლსაწინააღმდეგო შეძენა-შენახვის ფაქტზე აღიძრა.
მის წინააღმდეგ საჩივრის თანახმად, ქალმა უკანონოდ შენახული იარაღით ძაღლი მოკლა და სამხრეთ კორფუს მიდამოში მდინარეში გადააგდო.
მის სახლში სასამართლოს თანამშრომლის თანდასწრებით ჩატარებული ჩხრეკისას ნაპოვნი და ამოღებულია თოფი, რომელსაც იგი კანონით გათვალისწინებული ლიცენზიის გარეშე ფლობდა.
მომხდარზე წინასწარი გამოძიება ახილეონის პოლიციის დეპარტამენტმა ჩაატარა, ამასთან, ბრალდებულს 30 000 ევროს ოდენობის ადმინისტრაციული ჯარიმა დაეკისრა.
დაკავებული ქალი კორფუს სისხლის სამართლის პროკურატურაში გადაიყვანეს.
