კორფუ: მძიმე ავარია პაქსოზე-25 წლის მამაკაცს ჩქაროსნული ნავი დაეჯახა
ორშაბათს, ნაშუადღევს, იტალიის დროშის ქვეშ მცურავი ჩქაროსნული ნავი 25 წლის უცხოელს დაეჯახა, რომელიც მონგონისიო პაქსოს მიდამოში, ყურის შესასვლელთან დაცურავდა. აშკარად შესამჩნევი იყო, რომ მფლობელმა ნავის ტარება არ იცოდა.
გავრცელებული ცნობით, 25 წლის დაშავებული ახალგაზრდა ნავით დაუყოვნებლივ გადაიყვანეს პაქსოს პორტში, იქიდან კი სასწრაფო დახმარების მანქანით ჰოსპიტალში. ამის შემდეგ, დაშავებული, რომელსაც ტერფის და მარცხენა ხელის არეში დაზიანებები აღენიშნებოდა, პირადი ჩქაროსნული ნავით პერდიკასის პორტ „ARRILA“-ში გადაიყვანეს, სადაც სასწრაფო დახმარების მანქანამ იანინის გენერალურ საავადმყოფოში გადაიყვანა.
პაქსოს ნავსადგურის სამმართველომ, რომელიც წინასწარ გამოძიებას აწარმოებს, ჩქაროსნული ნავის 44 წლის ოპერატორი სხეულის განზრახ დაზიანების ბრალდებით დააკავა.
