კუნძულ როდოსზე დაპირისპირება მოხდა ორ უცხოელ ქალს და ავტოსადგომის მფლობელებს შორის

კუნძულ როდოსზე, კერძოდ ფალირაკში, 16 ოქტომბერს, საღამოს 20:30 საათზე დაპირისპირება მოხდა 35 და 31 წლის ორ ინგლისელ ქალს და კერძო ავტოსადგომის მფლობელ მამა-შვილს შორის მას შემდეგ, რაც ამ უკანასკნელებმა არ მისცეს უფლება ქალებს ნაქირავები ავტომანქანა სადგომზე გაეჩერებინათ, რასაც შედეგად მათ შორის დაპირისპირება და კამათი მოჰყვა.

ქალებმა შეურაცხყოფა მიაყენეს ავტოსადგომის მფლობელებს,  ხოლო ერთ-ერთი მათგანი მანქანაში დაბრუნდა და უკუსვლით სცადა სადგომის მფლობელ 30 წლის  მამაკაცისთვის მანქანა დაერტყა. მამამ უბიძგა შვილს და განზე გააგდო, შედეგად კი დარტყმა თავის თავზე მიიღო და დაშავდა.

როგორც ადგილობრივი მედია იტყობინება, მომხდარის შესახებ პოლიციას შეატყობინეს, ორივე ქალი დააკავეს და მათ წინააღმდეგ სისხლის სამართლის საქმე აღიძრა. ორივე მათგანი როდოსის სისხლის სამართლის სასამართლოში გადაიყვანეს.

ბრალდებულებმა უარყვეს მათ წინააღმდეგ წაყენებული ბრალდება და აცხადებდნენ, რომ მათ უბრალოდ მანქანის გაჩერება სურდათ, ხოლო 67 წლის მამაკაცისთვის მანქანის დაჯახების ფაქტზე თქვეს, რომ  არ შეუმჩნევიათ.