საბერძნეთი: კუნძულ კორფუზე ხანძარი მძვინვარებს-ცეცხლი სახლებს ემუქრება

კუნძულ კორფუზე ხანძარი გაჩნდა. ცეცხლი მძვინვარებს სოფლებს, აგიოს სტეფანოსსა და ავლიოტესს შორის და ემუქრება საცხოვრებელ სახლებს.

რაიონში ქრის 8 ბოფორტამდე სიძლიერის ქარი, რაც ხელს უწყობს ცეცხლის სწრაფ გავრცელებას. ამ წუთებში იწვის ზეთისხილის ბაღები და სახნავ-სათესი მიწები.

თვითმხილველების თქმით, ხანძარი, როგორც ჩანს დასახლების გარეთ, სამ სხვადასხვა ადგილას გაჩნდა.

მანამდე 112-დან შეტყობინება გაიგზავნა სოფელ აგიოს სტეფანოს ევაკუაციისთვის.

ამ დროისთვის ადგილზე მუშაობს სახანძრო ბრიგადის16 მანქანა და 32 მეხანძრე, ასევე კორფუს მუნიციპალიტეტის სამოქალაქო დაცვის მანქანები.