კუნძულ როდოსთან ტურისტულ გემზე, რომელზეც 84 მგზავრი იმყოფებოდა, ხანძარი გაჩნდა

დღეს შუადღისას კუნძულ როდოსზესანაპირო დაცვისა და სახანძრო ბრიგადის დიდი მობილიზაცია გამოცხადდა.

გავრცელებული ინფორმაციით, სტენიონის სანაპიროსთან მცურავ ტურისტულ პატარა გემზე მოულოდნელად ხანძარი გაჩნდა.

ინფორმაციის თანახმად, გემზე 82 მგზავრი იმყოფებოდა. მათმა უმრავლესობამ ნავიდან  ზღვაში გადახტომით  უშველა თავს, რადგან ნავი ნაპირთან ძალიან ახლოს იყო.

ისინი სასწრაფოდ გამოიყვანეს ნაპირზე და სასტუმროში დააბინავეს. არც ერთ მათგანს არაფერი დაშავებია და ჯანმრთელები არიან.

ხანძრის ჩასაქრობად ადგილზე მივიდნენ როდოსის პორტის ადმინისტრაციის და სახანძრო სამსახურის თანამშრომლები. გვიან შუადღისას გემზე ხანძარი უკვე ლიკვიდირებული იყო,  მაგრამ  ის მთლიანად განადგურდა და სავარაუდოდ ჩაიძირა.