ლავრიო: სასწაულებრივად გადავრჩი – აცხადებს ქალი, რომელიც აივნის ჩამონგრევისას ტროტუარზე იდგა
ლავრიო: სასწაულებრივად გადავრჩი – აცხადებს ქალი, რომელიც აივნის ჩამონგრევისას ტროტუარზე იდგა
სამშაბათს ლავრიოში მომხდარმა უბედურმა შემთხვევამ ადგილობრივი მოსახლოების აღშფოთება გამოიწვია. ქალაქის ცენტრში მდებარე 2 სართულიანი კორპუსის მეორე სართულზე მდებარე აივანი მოულოდნელად ჩამოიშალა. ნგრევის შედეგად კორპუსის ქვეშ მდგომ 4 მანქანას მიადგა მატერიალური ზიანი, ხოლო ტროტუარზე მყოფი 2 ქალი კი ბეწვზე გადარჩა ტრამვირებას.
“სასწაულებრივად გადავრჩი. მეუღლეს ველოდებოდი, როცა ხმაური შემომესმა. ხმაურმა გადამარჩინა. რადგან ზემოთ ავიხედე და დავინახე, რომ თავზე უზარმაზარი ბეტონის ნაწილი მეცემოდა. თავს ძალა დავატანე რომ გადავმხტარიყავი და თავი გადამერჩინა. მახსოვს როგორ მეცემოდა კენჭები. სხეულზე ნაკაწრებიც მაქვს.” – განაცხადა ქალმა ტელემაუწყებელ STAR-თან საუბრისას.
ვიდეო მასალიდან ნამდვილად ჩანს, რომ ქალი უდაოდ სასწაულებრივად გადარჩა. რადგან ბეტონის დიდი მასა მისგან რამდენიმე სანტიმეტრის მოშორებით ეცემა.
უბედური შემთხვევის ადგილზე ასევე იმყოფებოდა 47 წლის მასწავლებელიც, რომელიც მანქანისკენ მიემართებოდა, როცა კორპუსმა უეცრად ნგრევა დაიწყო: “აფთიაქში ვიყავი წამლის საყიდლად. გამოვედი და მანქანისკენ გავემართე. კარის გასაღებად ხელი რომ გავწიე აფეთქების ხმასავით გავიგე და გავიქეცი. არ ვიცი როგორ გავაგრძელებ ნორმალურად ცხოვრებას. ისევ შოკურ მდგომარეონაში ვარ.” – განაცხადა მასწავლებელმა.
