მძიმე ავარია კრეტაზე

მძიმე ავარია კრეტაზე

ავტოსაგზაო შემთხვევას ბებია ემსხვერპლა. შემთხვევა, რომელიც კრეტაზე მოხდა, სამწუხაროდ ტრაგედიით დასრულდა.

ავტოავარიას 59 წლის ქალბატონი ემსხვერპლა, ხოლო ავარიის დროს, ავტომანქანაში მყოფი 21 თვის ბიჭუნა, საავადმყოფოს რეანიმაციულ განყოფილებაში იმყოფება.

ბავშვის დაშავებული  ბებია –  59 წლის ქალი საავადმყოფოში კვირას შუადღისას მიიყვანეს, თუმცა  მძიმე ფიზიკური დაზიანებების გამო ის, ორშაბათს გამთენიისას გარდაიცვალა.

ავტოსაგზაო შემთხვევის დროს, ბავშვის 31 წლის დედაც დაშავდა, საბედნიეროდ ნაკლებად, ხოლო ბავშვს, თავის ტვინის მძიმე დაზიანებები აღენიშნება და მისი ჯანმრთელობის მდგომარეობა უკიდურესად მძიმეა.