ლივადია: ხანშიშესულ ქალბატონს თვითმარქვია ექიმმა 15. 000 ევრო დასტყუა

ლივადია: ხანშიშესულ ქალბატონს თვითმარქვია ექიმმა 15. 000 ევრო დასტყუა

ლივადია: ადამიანი, რომელმაც 76 წლის ქალბატონს 15.000 ევრო დასტყუა, თვითმარქვია ექიმი აღმოჩნდა.

მსხვერპლი დაარწმუნეს, რომ მის ქალიშვილს გადაუდებელი ოპერაცია სჭირდებოდა, რაც დიდ თანხებთან იყო დაკავშირებული.  სინამდვილეში  ეს ყველაფერი,  თაღლითების კარგად მოფიქრებული და ნაცნობი სქემა გახლდათ, რომლის შედეგადაც 76 წლის ქალბატონი დაზარალდა.

გავრცელებული ინფორმაციით, თაღლითობა ორშაბათს (5/2) შუადღისას მოხდა, როდესაც ქალს  უცხო ადამიანმა დაურეკა, რომელმაც თავი ექიმად გააცნო. შემდეგ მამაკაცმა 76 წლის ქალს ,,შეატყობინა“, რომ მისი ქალიშვილი  ავტოავარიაში მძიმედ დაშავდა  და, რომ მას სასწრაფოდ ოპერაცია ესაჭიროებოდა..

მსხვერპლმა თაღლითის სიტყვები დაიჯერა და მისი მითითებების შესაბამისად, 15. 000 ევრო საკუთარი სახლის ეზოში,  რკინის კართან დადო.

უცნობი მალევე მივიდა დანიშნულების ადგილზე,  თანხა სასწრაფოდ აიღო და გაუჩინარდა.

ამჟამად, საქმეზე გამოძიება თაღლითობის მუხლით მიმდინარეობს. აღსანიშნავია ის ფაქტიც, რომ მსგავსი შემთხვევები ძალიან ხშირია და თაღლითების მსხვერპლთ დასასრული არ უჩანს.