მაკის ვორიდისი მასობრივი ლეგალიზაციის წინააღმდეგია
მაკის ვორიდისი მასობრივი ლეგალიზაციის წინააღმდეგია
“მცდარად მიმაჩნია იდეა, რომ ქვეყანაში უკვე არალეგალურად მყოფ ემიგრანტებს ხელი შევუწყოთ ლეგალურად დასაქმებაში, რადგან მუშა ხელი გვჭირდება. ეს აზრი ექვივალენტურია იმისა, რომ ქვეყნის საზღვრები გავხსნათ და ყველა შემოვიპატიჟოთ.” – ამ განცხადებით კიდევ ერთხელ გაუსვა ხაზი საბერძნეთის ემიგრაციის მინისტრმა, რომ მასიური ლეგალიზაციის წინააღმდეგია.
მაკის ვორიდისი არ უარყოფს, რომ ქვეყანას სჭირდება მუშა ხელი, რადგან ქვეყანაში არ არსებობს შიდა რესურსი სამუშაო ადგილების შესავსებად. და იქვე დასძინა, რომ სწორედ ამიტომ საბერძნეთს ორმხრივი ხელშეკრულება აქვს გაფორმებული ეგვიპტესთან და ბანგლადეშთან.
ინტერვიუში საუბრისას ემიგრაციის მინისტრმა განაცხადა, რომ ქვეყანაში არალეგალურად შემოსული ემიგრანტების ნაკადმა 30%-ით იკლო გასულ წელთან შედარებით.
