მანი: ავტოსაგზაო შემთხვევის შედეგად 5 მგზავრი დაშავდა – დაშავებულთა შორის 3 არასრულწლოვანია

მანი: ავტოსაგზაო შემთხვევის შედეგად 5 მგზავრი დაშავდა – დაშავებულთა შორის 3 არასრულწლოვანია

29 მაისს გამთენიისას მანიში ავტოსაგზაო შემთხვევა დაფიქსირდა, რომლის შედეგადაც 5 მგზავრი დაშავდა.

ტელემაუწყებელი ΕΡΤ-ის მიერ გავრცელებული ინფორმაციის თანახმად ავტომანქანა, რომელსაც 18 წლის გოგონა მართავდა, გამთენიის 2:30 საათზე კალამატა-არეოპოლის გზაზე გზის სავალი ნაწილიდან გადავიდა და ზეთის ხილის ხეს შეეჯახა.

ავტომანქანით სულ 5 მგზავრი გადაადგილდებოდა, რომელთაგანაც 3 არასრულწლოვანია.

დაშავებულები სასწრაფო დახმარების ბრიგადამ საავადმყოფოში გადაიყვანა. ექიმები აცხადებენ, რომ მათ მსუბუქი დაზიანებები აქვთ მიყენებული და მათ სიცოცხლეს საფრთხე არ ემუქრება.

საგზაო პოლიციამ დაიწყო გამოძიება ავტოსაგზაო შემთხვევის გამომწვევი მიზეზების დასადგენად.