მატის ტრაგედიაში დაღუპულების ოჯახის წევრები ციპრას აკრიტიკებენ: სახელმწიფოებრივი ტრაგედიის პირად დრამად გადაქცევა ღირსეული საქციელი არ არის

მატის ტრაგედიაში დაღუპულების ოჯახის წევრები ციპრას აკრიტიკებენ: სახელმწიფოებრივი ტრაგედიის პირად დრამად გადაქცევა ღირსეული საქციელი არ არის

უარყოფითი რეაქცია მოჰყვა 2018 წლის 23 ივლისს მატიში გაჩენილი ხანძრის შედეგად დაღუპულთა ოჯახისწევრების ასოციაციისგან ალექსის ციპრას წიგნის “ითაკი”-ს პრეზენტაციას.

ასოციაციის წარმომადგენლებმა კიდევ ერთხელ ხაზი გაუსვეს ფაქტს, რომ მატიში გაჩენილი ხანძარი არ იყოი ბუნებრივი მოვლენა, არამედ სახელმწიფოებრივი დანაშაული, რომლის შედეგადაც 120 ადამიანი დაიღუპა და 57 მძიმედ დაიწვა. დრამატული შედეგი კი პასუხისმგებელი სახელმწიფო ორგანოების არასწორი და დაგვიანებული რეაგირების გამო დადგა.

“და შვიდწლინახევრის შემდეგ იმის ნაცვლად რომ პატივისცემა გამოხატონ დაზარალებული ოჯახების მიმართ ვხედავთ, რომ ზოგიერთი მათგანი ხელახლა ცდილობს ისტორიის დაწერას და უნდათ, რომ პასუხისმგებლობები ბედისწერად, ხოლო შეცდომები კი იმ გარემოებებად მონათლონ, რომლებიც კონტროლს არ ექვემდებარებოდა. სახელმწიფო ტრაგედიის პირად დრამად წარმოჩენა ღირსეული საქციელი არ არის. ვერ ავიტანთ ჩვენი ტრაგედიის პირადი წინსვლისთვის გამოყენებას პოლიტიკური პირების მხრიდან. არანაირი შეწყალება არ ეკუთვნით მათ, ვინც სიმართლეს თელავს!”