მეთანა: ექსპერტებმა 100 000 წლის განმავლობაში მიძინებული ვულკანის ფარული აქტოვობა დააფიქსირეს
მეთანა: ექსპერტებმა 100 000 წლის განმავლობაში მიძინებული ვულკანის ფარული აქტოვობა დააფიქსირეს
100 000 წლის განმავლობაში ჩანდა არააქტიური მეთანას ვულკანი, რომელიც სამხრეთ ეგეოსის ვულკანური რკალის ნაწილია.
შვეიცარიის უნივერსიტეტის “ETH Zurich”-ის ხელმძღვანელობით, საერთაშორისო კვლევითმა ჯგუფმა დეტალურად გაიარა მისი ვულკანური აქტივობის 700 000 წელზე მეტი პერიოდი და დაადგინა, რომ მიძინების პერიოდში ვულკანი მიწისქვეშა აქტივობას აგრძელებდა.
გამოკვლეული პერიოდის განმავლობაში დადგინდა, რომ ცულკანი 31-ჯერ ამოიფრქვა. ამის დასადგენად კი მკვლევარებმა აიღეს საველე სინჯი, შეაგროვეს მასალა ლავის ნაკადებიდან, ვულკანური გუმბათებიდან და ფერფლის საბადოებიდან. მათ ასევე შეისწავლეს 1250-ზე მეტი პატარა მაგმატური კრისტალი, რომლებიც როგორც მკვლევარებმა აღნიშნეს: „მიკროსკოპული დროის კაფსულების“ ფუნქციას ასრულებენ. ისინი სხვადასხვა დროს მაგმაში იზრდებიან და მათი წარმოქმნის პირობებსა და დროს აღრიცხავენ.
ვულკანის ისტორიის რეკონსტრუქციამ აჩვენა, რომ ის დაახლოებით 110 000 წლის განმავლობაში მიძინებული იყო, სანამ ისევ გაიღვიძებდა და აქტივობის ამჟამინდელ ციკლს განაახლებდა.
