მენოპაუზის 12 გაუცნობიერებელი ნიშანი. ნაწილი 1
მენოპაუზის 12 გაუცნობიერებელი ნიშანი.
10-დან 8 ქალს მენოპაუზის დრო ცხელებები, ხშირი ხასიათის ცვლილებები, ღამით ოფლიანობა და დაღლილობის შეგრძნება ახასიათებს.
მენოპაუზის დროს ჰორმონების დაბალმა დონემ და ორგანიზმში ასაკთან დაკავშირებულმა ცვლილებებმა შეიძლება გამოიწვიოს სხვა, უფრო უჩვეულო სიმპტომებიც: კანის სიმშრალით და ქავილით დაწყებული, პირის ღრუში „მეტალის“ გემოს შეგრძნებით დამთავრებული.
- მკერდი კარგავს სიმკრივეს – მენოპაუზის შემდეგ ბევრი ქალი ამჩნევს, რომ მკერდი არ არის ისეთი „სავსე“, როგორც ადრე იყო. ამის გამომწვევი მიზეზი ორგანიზმში ესტროგენის შემცირებაა.
- უძილობა – მენოპაუზის ერთ-ერთი აუტანელი სიმპტომია, რამაც შეიძლება გაართულოს ქალის ყოველდღიური ცხოვრება. ესტროგენის დონის კლებასთან ერთად, რთულდება ტვინში არსებული „თერმოსტატის“ ფუნქციონირება. რაც იწვევს ციებ-ცხელებისგან ხშირ გამოღვიძებას.
მშვიდი ძილისთვის უკეთესი იქნება თუ:
- წახვალთ დასაძინებლად ერთსა და იმავე დროს.
- მოერიდებით ტელეფონის, ტელევიზორის, კომპიტერის ეკრანებს დაძინებამდე.
- მიიღებთ ნაკლებ სითხეს დაძინებამდე.
- გექნებათ ოთახში სასურველი ტემპერატურა.
- გაიღვიძებთ ერთსა და იმავე დროს ყოველ დღე.
- კანის სიმშრალე და ქავილი – ესტროგენების რაოდენობა ორგანიზმში კანის ელასტიურობას უწყობენ ხელს. მათი რაოდენობის შემცირება კი იწვევს კანის სიმშრალეს. რაც მენოპაუზის დროს, განსაკუთრებით ღამის საათებში, იწვებს ქავილს. ქავილის აღმოსაფხვრელად რეკომენდირებულია ყოველდღიურად დამატენიანებელი კრემის მოხმარება.
- მეტალის გემოს შეგრძნება პირში – იშვიათია, მაგრამ მაინც არსებობს ენის, ტუჩების, ღრძილების და პირის ღრუს სხვა ნაწილების ტკივილის ან წვის შეგრძნებასთან ერთად.
- გემოს ცვლილება – ქალების ნაწილი აცხადებს რომ გარკვეულმა პროდუქტებმა გემო იცვალეს მენოპაუზის დროს. და მართლაც, ჰორმონალურმა ცვლილებებმა შეიძლება გამოიწვიოს გემოს რეცეპტორების ცვლილება.
- თმის ცვენა – მენოპაუზის დროს შეიძლება შეამჩნიოთ რომ თმა შეგითხელდათ. ესეც უშუალო კავშირშია ორგანიზმში ესტროგენების რაოდენობის ვარდნასთან.
Facebook Comments Box
