სპარტა: კიდევ ერთი ოჯახური ძალადობის მსხვერპლი ქალი.

სპარტა: კიდევ ერთი ოჯახური ძალადობის მსხვერპლი ქალი.

ოჯახური ძალადობის კიდევ ერთი შემთხვევა.

ახალგაზრდა ქალბატონი, ყოფილი ბოდი ბილდერი, რომელსაც არაერთ კონკურსში აქვს მონაწილეობა მიღებული,  მის მეუღლეს ფიზიკური ძალადობისთვის უჩივის.

დაზარალებული ქალბატონი ბრალდებულთან და მათი სამი წლის ბიჭთან ერთად ერთ პატარა სოფელში, სპარტასთან ახლოს ცხოვრობს. აღნიშნული შემთხვევაც სწორედ მათ სახლში, გუშინწინ შუადღეს მოხდა. ყოფილ ბოდი ბილდერს ბრალდებული თავს დაესხა და სასტიკად სცემა.

“სადღაც შუადღის 3:30 იყო, როცა უთანხმოება კამათში გადაგვეზარდა და ჩემი ცემა დაიწყო. იმდენად ძლიერად მირტყამდა რომ სუნთქვა აღარ შემეძლო. ჩემს დახრჩობას ცდილობდა ეხლაც, როგორც სამი კვირის წინ. კეფაში მწვდა და თავი მარტყმევინა იატაკზე. მიყვიროდა და თან პირზე ხელს მაფარებდა რომ ხმა არ გამეღო.” აცხადებს დაზარალებული ქალბატონი. 

ცნობილია, რომ დაზარალებულის საჩივრის შემდეგ სასამართლო მაშინვე გაიმართა სხდომაზე დაზარალებულის გამოცხადების გარეშე. თუმცა გამომდინარე იქიდან, რომ სამი წლის ბიჭის დედა გუშინდელ დღემდე სპარტის გენერალური საავადმყოფოს ქირურგიულ კლინიკაში თავის ტვინის დაზიანებებით  იყო ჰოსპიტალიზებული და ექიმის დასკვნა სასამართლომდე დროულად ვერ მივიდა, სასამართლო გადაიდო 21 მარტისთვის და ბრალდებული შვილთან ერთად სახლში დაბრუნდა.

მიუხედავად იმისა რომ  ბრალდებულს დაზარალებულთან მიახლოვება აეკრძალა აღმკვეთი ღონისძიებების თანახმად, ის მაინც ცდილობს მეუღლესთან დაკონტაქტებას რათა გააუქმებინოს საჩივარი.

სასამართლოს გადადებას ოჯახური ძალადობის მსხვერპლისთვის მხოლოდ უარყოფითი მხარეები აქვს. ის  იძულებულია დაუკავშირდეს მოძალადეს რათა ბავშვის მეურვეობასთან დაკავშირებული საკითხები განიხილონ.