მეტეოროლოგები საბერძნეთში 50 გრადუსამდე ტემპერატურას პროგნოზირებენ
გეოლოგიისა და ბუნებრივი კატაკლიზმების მართვის პროფესორი ევთიმიოს ლეკკასი კლიმატის ცვლილებებზე და ზაფხულისთვის საბერძნეთში მოსალოდნელ 50 გრადუსამდე ტემპერატურაზე საუბრობს.
დედაქალაქში ზაფხულის ტემპერატურის წინასწარი პროგნოზები საგანგაშოა, რადგან ქვეყანა კლიმატის ცვლილებების “წითელ ზონაშია”, ექსპერტები ემზადებიან და მოსახლეობას აფრთხილებენ.
განსაკუთრებულ შეშფოთებას იწვევს წინასწარი პროგნოზები იმის შესახებ, რომ მაღალი ტემპერატურა შეიძლება შენარჩუნდეს ჩვეულებრივზე მეტი ხნის მანძილზე.
მსოფლიო მეტეოროლოგიურმა ორგანიზაციამ უკვე დიდი ხანია ატეხა განგაში: თუ კლიმატის ცვლილებები ასეთი ტემპით გაგრძელდება მოსალოდნელია, რომ საბერძნეთი აფრიკის მსგავს ქვეყანას დაემსგავსოს.
” შესაძლოა ყველაზე ცხელი ზაფხული გვქონდეს.
მთელს მსოფლიოში მომავალი ზაფხულის პერსპექტივა საშინელია, ამ ვარაუდის საფუძველს იძლევა მაღალი ტემპერატურა, რომელიც ამჟამად ფიქსირდება ესპანეთში, საფრანგეთში და მსოფლიოს სხვა ქვეყნებში.
კლიმატის კრიზისი ნიშნავს, რომ ტემპერატურა ნელა და სტაბილურად იმატებს ადამიანის ჩარევით და ეს მატება უზარმაზარ პრობლემებს ქმნის არა მხოლოდ ხანძრების ან ჰაერის დაბინძურების თვალსაზრისით, ეს ყველაფერი არსებითად იწვევს ტერიტორიების გაუდაბნოებას”- აცხადებს პროფესორი ლეკკასი.
