ნეა იონია: პოლიციელების დროული რეაგირების შედეგად 26 წლის ბიჭის სიცოცხლის გადარჩენა მოხერხდა
ნეა იონია: პოლიციელების დროული რეაგირების შედეგად 26 წლის ბიჭის სიცოცხლის გადარჩენა მოხერხდა
ხუთშაბათს, 23 ოქტომბერს, პოლიციის განყოფილებაში ნეა იონიის დასახლებიდან ზარი შევიდა. მეზობლებმა პოლიციაში მას შემდეგ დარეკეს, რაც სადარბაზოს ლიფტიდან ხმაური შემოესმათ და შესასვლელში სისხლის კვალი შენიშნეს.
პოლიციელები შემთხვევის ადგილზე დაუყოვნებლივ გამოცხადდნენ. სადარბაზოს ჩხრეკისას, მეორე სართულზე ლიფტში იპოვეს სისხლის გუბეში ჩაწოლილი 26 წლის ახალგაზრდა, რომელსაც ყელის არეში არაერთი ჭრილობა ჰქონდა მიყენებული.
“ძალიან ბევრი სისხლი ჰქონდა დაკარგული. სულ მცირე 7-8 ჭრილობა ჰქონდა მიყენებული ყელის არეში და ვერ ლაპარაკობდა.” – განაცხადა სადარბაზოს მაცხოვრებელმა.
დაშავებულს პირველადი სამედიცინო დახმარება თავად პოლიციელებმა გაუწიეს. სასწრაფო დახმარების ბრიგადამ ათენის გენერალურ საავადმყოფოში გადაუვანეს.
გავრცელებული ინფორმაციის თანახმად დაშავებულს საავადმყოფოში მიყვანისთანავე ჩაუტარდა ოპერაცია.
მიმდინარეობს გამოძიება თავდამსხმელის ვინაობის დასადგენად, თუმცა გამომძიებლები არ გამორიცხავენ თვითდაზიანების შესაძლებლობასაც.
