ნიკოს მორაიტისი საავტორო უფლებებზე საუბრობს
ნიკოს მორაიტისი საავტორო უფლებებზე საუბრობს
ცნობილი ბერძენი სიმღერების ტექსტების ავტორი ნიკოს მორაიტისი ანნა ვისისა და ნიკოს კარველასის გარშემო ატეხილ დისკუსიას სოციალურ ქსელში გამოეხმაურა. მან განმარტა, რა უფლებები აქვთ კომპოზიტორებსა და ტექსტის ავტორებს საკუთარი ნაწარმოებების შესრულების აკრძალვასთან დაკავშირებით.
მორაიტისის განცხადებით, მიუხედავად იმისა რომ თავად იდეურად ნებისმიერი აკრძალვის წინააღმდეგია, საავტორო უფლებების შესახებ კანონმდებლობა როგორც კომპოზიტორს, ისე ტექსტის ავტორს საშუალებას აძლევს, დამოუკიდებლად ისარგებლოს საკუთარი უფლებებით. მისივე განმარტებით, მსგავსი სამართლებრივი ნორმები მხოლოდ საბერძნეთში არ მოქმედებს და ევროპულ კანონმდებლობაშიც არის გათვალისწინებული.
ავტორის თქმით, თუ ერთი ადამიანი მუსიკისა და ტექსტის ავტორიცაა, მას შეუძლია მთლიანად აკრძალოს სიმღერის შესრულება. თუ აკრძალვას მხოლოდ კომპოზიტორი ითხოვს, შეზღუდვა მუსიკას შეეხება, ხოლო ტექსტის ავტორის წინააღმდეგობის შემთხვევაში, შესაძლოა, მუსიკა შესრულდეს, მაგრამ სიმღერის სიტყვების გამოყენება დაუშვებელი იყოს.
„პოპულარობა, დიდება და კონცერტებიდან მიღებული დიდი შემოსავალი მომღერალს რჩება, ნაწარმოების საკუთრების უფლება კი მის შემქმნელებს ეკუთვნით“, – აღნიშნავს მორაიტისი და ხაზს უსვამს, რომ ავტორებს ნაწარმოების მიმართ მორალური უფლებებიც აქვთ.
მორაიტისმა დააზუსტა, რომ მისი განცხადება ზოგად სამართლებრივ პრინციპებს ეხება და არა რომელიმე კონკრეტული არტისტის შემთხვევას.
