ოჯახური ძალადობის მორიგი ფაქტი-სიმსივნით დაავადებულ დედას შვილი თავს დაესხა
დედა – შვილს შორის ოჯახური დაპირისპირების მორიგი შემთხვევა დაფიქსირდა.
კერძოდ, 39 წლის ბოშა მამაკაცს წუხელ სიმსივნით დაავადებულ დედაზე თავდასხმაში, მუქარასა და სექსუალური ხასიათის შეურაცხყოფაში ედება ბრალი.
ჯანმრთელობის პრობლემების გამო საავადმყოფოში გადაყვანიდან რამდენიმე საათის შემდეგ, მისი 59 წლის დედა კატეგორიულად მოითხოვდა მისი ნარკოდამოკიდებული შვილის ციხეში გაგზავნას.
როგორც ქალი აცხადებს, შვილმა მას აგინა, მიაყენა ფიზიკური შეურაცხყოფა, მისი მიმართულებით ისროდა სხვადასხვა ნივთებს და მის თვალწინ უხამსი ქმედებებიც კი ჩაიდინა.
აქვე აღნიშნავს, რომ მისი შვილი წარსულშიც იყო ნასამართლევი მის წინააღმდეგ განხორციელებული მსგავსი ინციდენტის გამო.
თავის მხრივ საჩივარში ბრალდებული საკუთარ ნარკოდამოკიდებულაბაში დედას ადანაშაულებს და ამბობს, რომ ფსიქოლოგიური პრობლემები აღენიშნება.
„მინდა პროგრამაში მოხვედრა და თქვენს ლმობიერებას ვითხოვ“, – უთხრა მან სასამართლოს. “მე არ ვარ მკვლელი ან კრიმინალი, რომ ციხეში წავიდე”, – თქვა მან.
სასამართლომ მამაკაცი დამნაშავედ ცნო ოჯახური ძალადობისა და სხეულის დაზიანების მცდელობაში, ასევე მუქარისა და სექსუალური უხამსობისთვის და პირობითი სასჯელი, 14 თვით თავისუფლების აღკვეთა მიუსაჯა.
