პალეო ფსიხიკოში ცნობილი ჟურნალისტის ყოფილი ცოლი დააკავეს

დღეს, შუადღისას,  პალეო ფსიხიკოში პოლიციამ დააკავა 64 წლის ქალი, ათენში ცნობილი ოჯახის შთამომავალი და ასევე საკმაოდ ცნობილი ჟურნალისტის (რომლის ვინაობაც არ სახელდება) ყოფილი ცოლი.

ატიკის უშიშროების სამძებრო დეპარტამენტის თანამშრომლებმა ქალი დიამანდოპულოს ქუჩაზე შენიშნეს და დააკავეს, რადგან მასზე დაპატიმრების ორდერი იყო გაცემული.

კერძოდ, საქმე ეხება მის მიერ საგადასახადო კანონმდებლობის დარღვევას და ჯარიმის გადაუხდელობას, რომელიც მას დაეკისრა 24 წლითა და 11 თვით თავისუფლების აღკვეთის სანაცვლოდ და შეადგენს 38 800 ევროს.

როგორც მედია იტყობინება, დაკავებული ქალი მუდმივად გასცემდა ყალბ ჩეკებს მოცემული კომპანიის ფინანსური ვალდებულებების დასაფარად, დროულად არ უხდიდა თანამშრომლებს დარიცხულ ხელფასს, ასევე არ იხდიდა დამსაქმებლისთვის დაწესებულ შენატანებს (IKA).

64 წლის დაკავებული   დაკითხვაზე გადაიყვანეს GADA-ში, ხვალ კი პროკურატურაში გადაიყვანენ.