პირეას პორტში ტიტანის ღეროებით დატვირთული კონტეინერები ამოიღეს – მობილიზებულია სახმელეთო ჯარები
პირეას პორტში, ფულის გათეთრების წინააღმდეგ ბრძოლის სამსახურის მიერ ჩატარებული გამოძიების შედეგად აღმოაჩინეს ტიტანის ღეროებით დატვირთული კონტეინერები, რომლებიც ჩინეთიდან სტამბოლის მიმართულებით გადაჰქონდათ.
პორტში, სადაც ტიტანის ღეროები ორ კონტეინერში ჩატვირთული იპოვეს, შექმნილი საგანგებო მდგომარეობის გამო სიტუაცია უფრო მძაფრსიუჟეტიანი ფილმის სცენარს ჰგავდა, ვიდრე რეალობას.
საიდუმლო დაზვერვამ, რომელიც ფულის გათეთრების საქმეს იძიებდა, მოულოდნელად პორტის კომერციულ ნაწილში ორი კონტეინერი შენიშნა და დაუყოვნებლივ აცნობა შესაბამის უწყებებს.
საბაჟოს თანამშრომლებმა სამხედრო პირებისა და სახანძრო სამსახურის თანამშრომლების დახმარებით, რომლებსაც სპეციალური ფორმა ეცვათ, შეძლეს მათი მოღება და გახსნა, რადგან არსებობდა ეჭვი კონტეინერებში რადიოაქტიური მასალების არსებობის საშიშროებაზე.
როგორც ირკვევა, კონტეინერები ჩაიტვირთა გასულ თებერვალს ჩინეთის შანხაის პორტიდან და მიმართული იყო სტამბულის პორტში გადასატანად.
მიღებული ინფორმაციის საფუძველზე საბერძნეთის ხელისუფლებამ მოახერხა მათი პოვნა, გახსნა და ჩამორთმევა.
გავრცელებული ინფორმაციით, აღნიშნული ტვირთი სავარაუდოდ განკუთვნილი იყო ირანში, თეირანის ბირთვულ პროგრამაში შემდგომი გამოყენებისათვის.
