პირველი მაისიდან საბერძნეთში ელექტროენერგიაზე ფასდაკლების საზაფხულო პროგრამა ამოქმედდა

საბერძნეთში დღეიდან, 1 მაისიდან ელექტროენერგიის   საყოფაცხოვრებო ტარიფის საზაფხულო, ღამის საათებში ფასდაკლების პროგრამა ამოქმედდა, რომელიც  2023 წლის 31 ოქტომბრამდე შენარჩუნდება.

კერძოდ,  ყოველდღე, საღამოს 11:00 საათიდან დილის 07:00 საათამდე თქვენ შეგიძლიათ გამოიყენოთ ელექტროენერგია შემცირებული ტარიფით.

აღნიშნული პროგრამით სარგებლობისათვის თქვენ უნდა წარადგინოთ შესაბამისი განაცხადი  თქვენს მიერ შერჩეულ, ელექტეოენერგიის მომწოდებელ  კომპანიაში.

განაცხადის  წარდგენის პროცესის განხორციელება შესაძლებელია ორი გზით:

DEDDIE სერვისის აპლიკაციის საშუალებით,  ან ტელეფონით, ნომერზე: 800 400 4000.

აქვე აღნიშნულია, რომ ფასდაკლების პროგრამის  გააქტიურება ფასიანია.

ტარიფზე  განაცხადის წარდგენა შესაძლებელია იმ პირობით, თუ  ფასდაკლების პროგრამის მოთხოვნაზე  ინვოისი დაინტერესებული მხარის სახელზე გაიცემა.

მომხმარებელს, სურვილის შემთხვევაში, შეუძლია მოითხოვოს მოხმარების გადასახადის  ცალ-ცალკე დარიცხვა ორივე დროის პერიოდში,როგორც   დღის პერიოდში მოხმარებულ, ასევე  შემცირებული ტარიფის მოქმედების (ღამის საათები) პერიოდში მოხმარებულ ელექტროენერგიაზე.

ორივე შემთხვევაში   ტარიფები განისაზღვრება ელექტროენერგიის მიმწოდებელი კომპანიის მიერ.

როგორ გავარკვიოთ ვსარგებლობთ თუ არა აღნიშნული სერვისით?

არსებობს სამი გზა:

ამას ადვილად ხედავთ მიღებული ელექტროენერგიის გადასახადიდან.

გადახდის ქვითარში, ცალკე გრაფაში აუცილებლად მითითებული  იქნება პროვაიდერის მიერ, ტარიფის მოქმედების ფარგლებში გამოყენებული ელექტროენერგიის რაოდენობის შესაბამისი გადასახდელი თანხა.

კიდევ ერთი გზაა სამონტაჟო პანელის დათვალიერება, სადაც შეიძლება იყოს სპეციალური  ნათურა ინდიკატორი.

თუ ეს ნათურა ღამით აინთება, ეს ნიშნავს რომ  ღამის დენი გაქვთ.

მესამე გზა არის პირდაპირ დაუკავშირდით თქვენს პროვაიდერს, რათა  უშუალოდ შეამოწმოთ გაქვთ თუ არა სერვისი.