რადიო არვილას ყოფილ წამყვანს, სტათის პანაიოტოპულოსს 5 წლით თავისუფლების აღკვეთა მიესაჯა
დღეს, ორშაბათს, თესალონიკის სამწევრიან სააპელაციო სასამართლოში რადიო არვილას ცნობილი წამყვანის, სტათის პანაიოტოპულოსის სასამართლო პროცესი გაგრძელდა.
მას ბრალად ედება მისი ყოფილი პარტნიორის რომანტიკული შინაარსის პირადი მიმოწერის ინტერნეტის საშუალებით განზრახ გასაჯაროვება, მისთვის ზიანის მიყენების მიზნით.
სასამართლომ 60 წლის ტელეწამყვანისთვის თავდაპირველად წაყენებული ბრალდება მასალის არამიზნობრივად, შეცდომით გავრცელების შესახებ, შეცვალა რადგან მიიჩნია, რომ აღნიშნული დანაშაული ბრალდებულის მიერ ჩადენილი იყო წინასწარგანზრახვით, მისი პარტნიორისთვის ზიანის მიყენების მიზნით.
მისი ადვოკატის მტკიცებით, ყოფილი ტელეწამყვანი ადასტურებს მის მიერ ჩადენილ ქმედებას, თუმცა ამტკიცებს, რომ არ მოქმედებდა პარტნიორისთვის განზრახ ზიანის მიყენების მიზნით და მისი დანაშაულებრივი ქცევა დიაგნოზირებული ფსიქიკური დაავადებით იყო განპირობებული.
ზემოაღნიშნულ საქმეზე სტათის პანაიოტოპულოსს მიესაჯა 5 წლით თავისუფლების აღკვეთა და დაეკისრა 10 000 ევროს ოდენობის ჯარიმა, თუმცა გადაწყვეტილება გაასაჩივრეს, მათ შორის პროკურორმა, იმ მოტივით, რომ საქმე უნდა გადაეყვანა ზემდგომ სასამართლოში.
აღსანიშნავია, რომ ყოფილი წამყვანის წინააღმდეგ სასამართლო პროცესი მსგავსი კრიმინალური შინაარსის კიდევ ორ საქმეზე მიმდინარეობს.
