Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიდღესასწაულები

რატომ უწოდებენ 15 აგვისტოს ზაფხულის აღდგომას

რატომ უწოდებენ 15 აგვისტოს ზაფხულის აღდგომას

15 აგვისტოს, ღვთისმშობლის მიძინების დღესასწაულს, საბერძნეთში ზაფხულის აღდგომას უწოდებენ. მართლმადიდებლური ეკლესიის ერთ-ერთი უმნიშვნელოვანესი დღესასწაული ღვთისმშობლის მიძინებასა და ზეცად ამაღლებას ეძღვნება.

ღვთისმშობლის მიძინების დღესასწაულის აღნიშვნის პირველი ცნობები V საუკუნეს უკავშირდება. თავდაპირველად იგი იერუსალიმში 13 აგვისტოს აღინიშნებოდა, ხოლო დაახლოებით 460 წლიდან თარიღი 15 აგვისტოზე გადაიტანეს.

მართლმადიდებლური ტრადიციის მიხედვით, ღვთისმშობელმა გარდაცვალებამდე სამი დღით ადრე ანგელოზისგან შეიტყო მისი აღსასრულის შესახებ. მოციქულები მის გვერდით შეიკრიბნენ და მისი გარდაცვალების შემდეგ იგი გეთსიმანიის ბაღში დაკრძალეს. სამი დღის შემდეგ საფლავთან მისულმა მოციქულმა თომამ მხოლოდ სუდარა აღმოაჩინა. ეკლესიური გადმოცემით, ეს ღვთისმშობლის აღდგომასა და ზეცად ამაღლებაზე მიუთითებს.

ღვთისმშობლის მიძინების დღესასწაულს წინ უძღვის 15 დღიანი მარხვა, რომელიც 1 აგვისტოს იწყება. ამ პერიოდში ეკლესიებში ღვთისმშობლისადმი მიძღვნილი სავედრებელი ლოცვები „პარაკლისები“ აღევლინება.

საბერძნეთში 15 აგვისტო განსაკუთრებით აღინიშნება. მიუხედავად იმისა, რომ დღესასწაული ღვთისმშობლის სიკვდილს უკავშირდება, ის გლოვის დღედ არ მიიჩნევა. მართლმადიდებლური ტრადიციის თანახმად, ღვთისმშობელმა სიკვდილით კი არ დაასრულა სიცოცხლე, არამედ „ცხოვრებაში გადავიდა“.

სწორედ ამიტომ 15 აგვისტოს ზეიმი აღდგომის მსგავსად სიხარულთან, სიცოცხლესთან და ღვთისმშობლის ზეცად გადასვლასთან არის დაკავშირებული, რის გამოც მას „ზაფხულის აღდგომას“ უწოდებენ.

დღესასწაული განსაკუთრებული მასშტაბით აღინიშნება მთელ საბერძნეთში: ტინოსზე, პაროსზე, პატმოსზე, კრეტაზე, ლეზვოსზე, კეფალონიასა და სხვა კუნძულებსა და რეგიონებში. ტაძრებთან იმართება რელიგიური მსვლელობები, ტრადიციული დღესასწაულები და სახალხო ზეიმები.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *