Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიUncategorized

რა ნაბიჯებს დგამს საბერძნეთი დემოგრაფიული პრობლემების მოსაგვარებლად

რა ნაბიჯებს დგამს საბერძნეთი დემოგრაფიული პრობლემების მოსაგვარებლად

საბერძნეთის სოციალური ერთობისა და ოჯახის მინისტრის თქმით, საბერძნეთში არსებულ სოციალურ პრობლემათა შორისაა დემოგრაფიული პრობლემა, საცხოვრებლის კრიზისი, ოჯახების მხარდაჭერა და უცხოეთში მცხოვრები ბერძნების სამშობლოში დაბრუნება.

მინისტრის განცხადებით, დემოგრაფიული პრობლემის მოგვარებას გრძელვადიანი პოლიტიკა და არა ცალკეული, დროებითი ზომები სჭირდება. ამ მიმართულებით საბერძნეთმა 2025-2035 წლების ეროვნული სამოქმედო გეგმა შეიმუშავა, რომელიც 100-ზე მეტ ღონისძიებას მოიცავს.

განსაკუთრებული ყურადღება ეთმობა ახალგაზრდა ოჯახების მხარდაჭერას. მათ შორისაა საბავშვო ბაღების ვაუჩერებთან დაკავშირებული ცვლილებები მრავალშვილიანი ოჯახებისთვის და პროგრამა „ძიძები სამეზობლოდან“, რომელიც სამი ან მეტ შვილიანი ოჯახებისთვის მთელი ქვეყნის მასშტაბით ხორციელდება.

მიხაილიდუ ასევე შეეხო საცხოვრებლის პრობლემას. მისი თქმით, 2026-2035 წლების საცხოვრებლის ეროვნული სტრატეგია 50 ღონისძიებას და 6,5 მილიარდ ევროზე მეტ დაფინანსებას ითვალისწინებს. მოქალაქეებისთვის არსებული პროგრამების შესახებ ინფორმაციის მისაღებად შეიქმნა სპეციალური პლატფორმა stegasi.gov.gr.

მინისტრმა განსაკუთრებული ყურადღება დაუთმო ე.წ. „brain regain“-ს, ანუ უცხოეთში წასული კვალიფიციური ბერძნების სამშობლოში დაბრუნებას.

მისი თქმით, 2010-2024 წლებში საბერძნეთი დაახლოებით 773 000-მა ბერძენმა დატოვა, ხოლო დაახლოებით 473 000 დაბრუნდა. მინისტრის განცხადებით, 2023 და 2024 წლებში ქვეყანაში დაბრუნებულთა რაოდენობამ უკვე გადააჭარბა ქვეყნიდან წასულთა რაოდენობას.

ამ პროცესის მხარდასაჭერად მოქმედებს ReBrain Greece, რომლის მიზანია უცხოეთში მცხოვრები ბერძნების დაკავშირება საბერძნეთში მოქმედ კომპანიებთან, რომლებიც მაღალკვალიფიციურ თანამშრომლებს ეძებენ.

მიხაილიდუს ინფორმაციით, ნიუ-იორკში გამართულ ReBrain Greece-ის ღონისძიებაში 35 ბიზნესჯგუფი და უცხოეთში მცხოვრები 1 500-ზე მეტი ბერძენი მონაწილეობდა. მათ შესაძლებლობა ჰქონდათ, საბერძნეთში არსებულ კონკრეტულ პროფესიულ შესაძლებლობებს გასცნობოდნენ.

მინისტრის თქმით ახალგაზრდა თაობებისთვის საბერძნეთი მხოლოდ წარმოშობის ქვეყანა კი არა, არამედ სწავლის, მუშაობის, პროფესიული განვითარების, ოჯახის შექმნისა და ცხოვრების რეალური არჩევანი უნდა გახდეს.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *