Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
ჯანმრთელობასაბერძნეთი

როგორ ავიმაღლოთ იმუნიტეტი

როგორ ავიმაღლოთ იმუნიტეტი

ზოგადად, ორგანიზმს იმუნიტეტის ასამაღლებლად ესაჭიროება მიკროელემენტები და ცილები, ამიტომ დიდი მნიშვნელობა ენიჭება დაბალანსებულ კვებას.

აუცილებელია ისეთი მინერალური ნივთიერებების საკმაო რაოდენობით მიღება, რომლებიც შეიცავს სპილენძს, იოდს, თუთიას, კალიუმს და მაგნიუმს.

ორგანიზმში იმუნიტეტი მკვეთრად მცირდება სტრესის, დიდი ფიზიკური და გონებრივი დატვირთვის ან ქრონიკული უძილობის დროს, ამიტომ სისტემის ფუნქციის გასაძლიერებლად მოგცემთ რამდენიმე რეკომენდაციას და გირჩევთ ხილ-ბოსტნეულს, რომელიც ზამთრის პერიოდში მნიშვნელოვანი ელემენტებით გაამდიდრებს თქვენს ორგანიზმს.

კივი

ის დიდი რაოდენობით შეიცავს C ვიტამინს, რომელიც ღირებული ანტიოქსიდანტია; ასევე, მეტად სასარგებლო A ვიტამინს. არსებობს მოსაზრება, რომ A ვიტამინი გიცავთ კანის პრობლემებისგან, მაგალითად, აკნესგან.

აღსანიშნავია E ვიტამინი, რომელიც დადებითად აისახება სისხლის მიმოქცევაზე.

ლიმონი

ეს ციტრუსი  შეიცავს C ვიტამინს, ბიოფლავინოიდებს, ეთერზეთებს, А, B, B1, B2, B6, E, D ვიტამინებს, ციტრინსა და ორგანულ მჟავებს. თუმცა, მისი მიღებისგან თავი უნდა შეიკავონ მათ, ვისაც პირის ღრუში წყლული აქვს ან გასტროეზოფაგური რეფლუქსის დაავადება აწუხებს, რადგან ლიმონში დიდი რაოდენობით არსებული მჟავა მდგომარეობას გაამწვავებს.

სტაფილო

აღსანიშნავია, რომ იგი მდიდარია ბეტა-კაროტინით, რომელსაც ორგანიზმი A ვიტამინად გარდაქმნის, რაც ძალიან მნიშვნელოვანია როგორც იმუნიტეტისთვის, ისე  მხედველობითი ჯანმრთელობისთვის. ამასთან, სტაფილო შეიცავს ძვლისთვის, კანისა და კუნთისთვის სასარგებლო K და C ვიტამინებს.

ბანანი

იგი ენერგიის წყაროა, რადგან შეიცავს მნიშვნელოვან საკვებ ნივთიერებებს, მინერალებს, კალიუმს, პეკტინს, B და C ვიტამინებს, მაგნიუმს, სპილენძს, მანგანუმსა და პროტეინს.

თუმცა, მას შეუძლია გავლენა იქონიოს სისხლში გლუკოზის (შაქრის) დონის მატებაზე. ამიტომ დიაბეტით დაავადებულებმა რეკომენდაციისა და დღიური ნორმის განსაზღვრისთვის უნდა მიმართონ მკურნალ ენდოკრინოლოგს.

თაფლის, ლიმონისა და ჩაის კოქტეილი

შეიძლება ითქვას, რომ ეს სამი ინგრედიენტი ორგანიზმისთვის ნამდვილი დოპინგია. ჩაი მდიდარია ფლავინოიდით და, რაც მთავარია, აქვს ანთების საწინააღმდეგო თვისება. თაფლი სასარგებლოა იმუნური სისტემისთვის. ეს უნიკალური პროდუქტი ნახშირწყლების წყალობით ენერგიით აგავსებთ, როგორც ანტიბაქტერიული პროდუქტი კი, მნიშვნელოვანია ინფექციების პრევენციისთვისაც.

თაფლი შეიცავს დიდი რაოდენობით ნახშირწყლებს. თაფლის 70-80% შაქარია (უპირატესად, ფრუქტოზა და გლუკოზა, მალტოზა და საქაროზა). ასევე, შეიცავს წყალს,  ვიტამინებს, მინერალებს, ცილებსა და ამინომჟავებს (კალიუმი, კალციუმი, თუთია, C ვიტამინი და ანტიოქსიდანტები).

თაფლის ცხელ წყალში შერევა არ არის რეკომენდებული, რადგან 40 გრადუს ცელსიუსზე გაცხელებისას კარგავს სასარგებლო თვისებებს.

გაითვალისწინეთ, რომ ზოგიერთ შემთხვევაში თაფლი ხასიათდება ალერგიული რეაქციითაც. შესაბამისად, ალერგიულმა პირებმა სასურველია, თავი აარიდოთ მის მიღებას ან დაგემოვნებამდე კონსულტაცია გაიაროთ პირად ექიმთან.

გარდა ამისა, იმუნიტეტის ამაღლება კიდევ  რამდენიმე საშუალებითაა შესაძლებელი. მოგცემთ რამდენიმე რეკომენდაციას:

  1. კვების რაციონი გაამდიდრეთ მიკროელემენტებით (კაკალი, პარკოსნები, მზესუმზირა, ბურღულეული, შავი შოკოლადი);
  2. ეფექტურია დილით კონტრასტული შხაპის მიღება;
  3. აუცილებელია მინერალებითა და ვიტამინებით მდიდარი ხილი, განსაკუთრებით კი, ციტრუსები, რომელთა მოძიებაც ამ სეზონზე არ გაგიჭირდებათ;
  4. ჯანსაღი ცხოვრებისთვის სასურველია, საჭირო რაოდენობით მიიღოთ სითხეები, განსაკუთებით კი, წყალი (დღიური ნორმის მინიმუმი 1,5 ლიტრია);
  5. მეტი დრო გაატარეთ სუფთა ჰაერზე;
  6. მოიწესრიგეთ ძილის რეჟიმი;
  7. ეცადეთ, თავი აარიდოთ სტრესს და სტრესულ გარემოს.
Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *