როგორ გამოიყურებოდა Google-ის ლოგო რომელიც დედამიწის დღის აღსანიშნავად შეიქმნა

როგორ გამოიყურებოდა Google-ის ლოგო რომელიც დედამიწის დღის აღსანიშნავად შეიქმნა

Google-ის წვდომა მთელ პლანეტაზე ვრცელდება, დედამიწის დღესთან დაკავშირებით კი, რომელიც 22 აპრილს აღინიშნება, კომპანიამ ეს მოცემულობა მარკეტინგულ კამპანიად აქცია. კერძოდ, ტექნიკურმა გიგანტმა საკულტო ლოგო აერო ფოტოების მეშვეობით „ააწყო“. თითოეულ ასოს უნიკალური ბუნებრივი ლანდშაფტი შეესაბამება, რაც დედამიწის გასაოცარ ბიომრავალფეროვნებას უსვამს ხაზს.

ეს „გლობალური ტილო“ Airbus-ის, CNES-ის, Copernicus-ის, Maxar Technology-ისა და USGS/NASA Landsat-ის არქივებიდან მოპოვებულ ფოტოებს ეყრდნობა. გამოსახულებას თან ახლავს ვიდეო, რომელშიც განმარტავენ, როგორ შეარჩიეს თითოეული ფოტო.