როდოსი: მოსახლეობა შიშობს, რომ კრემასტის მდინარეში ნიანგი ბინადრობს, რომელიც თავს ესხმის მაცხოვრებლებს
ოთხშაბათს დილით როდოსში, კრემასტის რეგიონის მაცხოვრებლები უჩვეულო ინციდენტის წინაშე აღმოჩნდნენ.
კერძოდ, კრემასტის დასახლებაში შიში და შეშფოთება გამოიწვია ქვეწარმავლის მსგავსი დიდი ცხოველის არსებობამ.
ადგილობრივი მაცხოვრებლების ჩვენებით, ეს დიდი ცხოველი მდინარეში, ლერწმებში იმალება და ძალიან ჰგავს ნიანგს!
მოტოციკლით გამვლელი წყვილი ჰყვება, რომ აღნიშნული ცხოველი მათ მოტოციკლის უკანა მხრიდან დაესხა თავს და შემდეგ ლერწმებში მიიმალა.
ადგილობრივმა ხელისუფლებამ რეგიონის სატყეო დეპარტამენტთან და ვეტერინარულ ორგანოებთან კონსულტაციის შემდეგ სასწრაფოდ მოახდინა მობილიზაცია ინციდენტთან დაკავშირებული ფაქტების და ჩვენებების შესასწავლად.
გამოძიების დაწყებიდან დღემდე ქვეწარმავალი, რომელიც მოსახლეობის მიერ აღწერილის მსგავსი იქნებოდა, მიუხედავად ძიების პროცესის მთელი სერიოზულობისა, ვერ იპოვეს.
ინციდენტი შეიძლება ძალიან ჰგავს ხუმრობას ან სამეცნიერო ფანტასტიკური ფილმის სცენარს, მაგრამ ფაქტია, რომ ბოლო დროს ქვეყანაში უკანონოდ შეყვანილია ბევრი ეგზოტიკური ცხოველი, რომლებსაც ფლობენ როგორც შინაურ ცხოველებს, მაგალითად დიდი ზომის გველები და ა.შ. ასევე საკმაოდ ხშირია საბერძნეთის მრავალი რეგიონის ქუჩებში მათი უპატრონოდ მიტოვების ფაქტებიც.
