საბერძნეთის ემიგრაციიც მინისტრი აშშ-ს ელჩს შეხვდა
საბერძნეთის ემიგრაციიც მინისტრი აშშ-ს ელჩს შეხვდა
საბერძნეთის ემიგრაციის სამინისტროში დღეს თანოს პლევრისსა და აშშ-ს ელჩს, კიმბერლი გილფოილს შორის შეხვედრა გაიმართა.
შეხვედრას ასევე ესწრებოდა მინისტრის მოადგილე სევი ვოლუდაკიც.
მხარეებმა მიგრაციის პოლიტიკისა და ორმხრივი ინტერესის საკითხებზე იმსჯელეს. მინისტრმა ამერიკელ დიპლომატს საბერძნეთში მიგრაციული ვითარების შესახებ ინფორმაცია მიაწოდა და მთავრობის ძირითადი პრიორიტეტები წარუდგინა.
განსაკუთრებული ყურადღება დაეთმო არალეგალური მიგრაციის წინააღმდეგ მიღებულ ახალ, უფრო მკაცრ საკანონმდებლო ჩარჩოსა და მიგრაციული ნაკადების შემცირების მიმართულებით მიღწეულ შედეგებს. საუბარი ასევე შეეხო ევროპის წინაშე არსებულ გამოწვევებს, მათ შორის ევროკავშირის ახალი მიგრაციისა და თავშესაფრის პაქტის განხორციელებას, გარე საზღვრების დაცვას, ადამიანთა კონტრაბანდის ქსელებთან ბრძოლასა და დაბრუნების მექანიზმების გაძლიერებას.
შეხვედრის ფარგლებში მხარეებმა საერთაშორისო მიგრაციული პროცესები და ლტოლვილთა ნაკადებთან დაკავშირებული თანამედროვე გამოწვევებიც განიხილეს.
