Latest news
საბერძნეთის პოლიცია 28 მილიონიანი საგადასახადო თაღლითობის საქმეს იძიებს ბულინგის მსხვერპლი 14 წლის მოზარდი თანაკლასელებზე შურისძიების მიზნით იარაღის შეძენის ფაქტზე დააკავეს ნევროკოპი: საბერძნეთის ყველაზე ცივი რეგიონი, სადაც აგვისტოშიც კი ტემპერატურა 8,8 გრადუსს არ სცდება საბერძნეთი: 25 ნოემბერს საყოველთაო გაფიცვა გამოცხადდა საგზაო მოძრაობის კოდექსი: სიახლეები ჯარიმების, მართვის მოწმობის ჩამორთმევისა და ახალბედა მძღოლებისთვ... სალონიკი შობისთვის ემზადება: შუშის ჭაღები, 56 ხის სახლი და გრანდიოზული კონცერტები OpenCar: ავტომობილის ნომრით შესაძლებელი იქნება გარბენის, ტექინსპექტირებისა და დაზღვევის შემოწმება პედიონ ტუ არეოსის პარკი საშობაოდ მორთეს ათენის მერი კიფსელის „წითელ ზონაში“ მოქცეული კორპუსების უსაფრთხოებაზე შეშფოთებას გამოთქვამს და მოსახ... ვრცელდება კადრები რომელშიც 24 წლის ქალის მკვლელობაში ეჭვმიტანილი ჩემოდნით ხალშია დაფიქსირებული
კვირა, ნოემბერი 22, 2026
საბერძნეთიUncategorized

საბერძნეთი: ადვოკატები კერძო უნივერსიტეტებში სამართლის სკოლების გაუმათაობაზე საუბრობენ

საბერძნეთი: ადვოკატები კერძო უნივერსიტეტებში სამართლის სკოლების გაუმათაობაზე საუბრობენ

ათენში გამართულ შეხვედრაზე ათენის კაპოდისტრიას სახელობის ეროვნული უნივერსიტეტის სამართლის სკოლის პროფესორმა პანაიოტის ლაზარატოსმა საბერძნეთში მოქმედი უცხოური კერძო უნივერსიტეტების სამართლებრივი და პრაქტიკული პრობლემები დეტალურად განიხილა.

პროფესორის განცხადებით, ქვეყანაში დაფუძნებული უცხოური უნივერსიტეტების საქმიანობის სამართლებრივი საფუძვლები რიგ საკითხებში პრობლემურია. მისი შეფასებით, უნივერსიტეტების დაფუძნებისა და საქმიანობის პროცედურები სრულად კანონით დადგენილ ჩარჩოში არ მიმდინარეობს, რის გამოც მათი ფუნქციონირებისა და სასწავლო პროგრამების სამართლებრივი მდგომარეობა, მისი თქმით, „ჰაერშია გამოკიდებული“.

ლაზარატოსის განცხადებით, უნივერსიტეტების სასწავლო პროგრამებთან და სხვა ადმინისტრაციულ საკითხებთან დაკავშირებული გადაწყვეტილებების მიღების პროცესში დაახლოებით 40 სისხლისსამართლებრივი დარღვევაა აღმოჩენილი. აღნიშნა, რომ შესაბამისი ადმინისტრაციული გადაწყვეტილებების კანონით დადგენილი წესით მიღება შედარებით მოკლე ვადაში იყო შესაძლებელი.

პროფესორმა ასევე გაამახვილა ყურადღება უნივერსიტეტებისთვის განკუთვნილ სასწავლო შენობებსა და ინფრასტრუქტურაზე. მისი თქმით, ზოგიერთი ობიექტი კანონით გათვალისწინებულ საბაზისო მოთხოვნებსაც კი ვერ აკმაყოფილებს, ხოლო შესაბამისი ნებართვები და თანხმობები გაცემული იყო იმ ინფრასტრუქტურასთან დაკავშირებით, რომელიც მომავალში უნდა შექმნილიყო.

შეხვედრაზე ყოფილი მინისტრი პავლოს პოლაკისი გამოვიდა სიტყვით და განაცხადა, რომ სახელმწიფო საბჭომ (ΣτΕ), კერძო უნივერსიტეტების საბერძნეთში დაფუძნებისთვის „მწვანე შუქის“ ანთებით, კონსტიტუციის მოთხოვნები დაარღვია. მან ასევე მკაცრად გააკრიტიკა ქვეყანაში მოქმედი კერძო უნივერსიტეტები.

თავის მხრივ, პირეას ადვოკატთა ასოციაციის პრეზიდენტმა ილიას კლაპასმა ლაზარატოსს სახელმწიფო საბჭოში კერძო უნივერსიტეტებთან დაკავშირებით განხორციელებული სამართლებრივი მოქმედებებისთვის მადლობა გადაუხადა, ხოლო ათენის ადვოკატთა ასოციაციის ყოფილმა პრეზიდენტმა დიმიტრის ვერვესოსმა პროფესორის პრეზენტაციას „დემოკრატიის გაკვეთილი“ უწოდა.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *