საბერძნეთი- ავტოსაგზაო შემთხვევას ექვსი ადამიანი ემსხვერპლა
დღეს, დიდი შაბათის დილით ავტოსაგზაო შემთხვევა მოხდა ალექსანდროპული_ კომოტინის მონაკვეთზე, ეგნატიას გზატკეცილზე, რის შედეგადაც ექვსი ადამიანი გარდაიცვალა.
აუდის მარკის ავტომობილი, რომელშიც ათი ადამიანი- არალეგალი ემიგრანტები და მათი გადამყვანი იმყოფებოდა, კომოტინის მიმართულებით, მაკრის გზაჯვარედინზე შევიდა მოძრაობის საპირისპირო მიმართულებით, რის შემდეგაც ის ალექსანდრუპოლისკენ მიმავალ შემხვედრ ავტომობილს შეეჯახა.
ავტომობილში მყოფი არალეგალებიდან ოთხი მომენტალურად დაიღუპა, დანარჩენი ექვსი და შემხვედრი ავტომობილის მძღოლი, 46 წლის ბერძენი მამაკაცი მძიმე დაზიანებებით ალექსანდრუპოლის საავადმყოფოში გადაიყვანეს.
როგორც მოგვიანებით გახდა ცნობილი, ბერძენი მამაკაცი ოპერაციის დროს გარდაიცვალა.
საავადმყოფოში გარდაიცვალა დაშავებული ემიგრანტებიდან კიდევ ერთი, დანარჩენების მდგომარეობა კი საგანგაშოდ მძიმეა, ექიმები მათგან მხოლოდ ორის გადარჩენის იმედს იძლევიან.
როგორც დაშავებულები, ასევე დაღუპულთა ცხედრები მეხანძრეებმა დიდი გაჭირვებით ამოიყვანეს ავტომობილებიდან.
