წმინდა ცეცხლის გადმოსვლის რიტუალი აღდგომის ტაძარში დიდი ზეიმით ჩატარდა

იერუსალიმში, ქრისტეს აღდგომის ტაძარში წმინდა ცეცხლის გადმოსვლის რიტუალი შესრულდა.

მაცხოვრის საფლავზე აღმართული სამლოცველოდან წმინდა ცეცხლი იერუსალიმისა და სრულიად პალესტინის პატრიარქმა თეოფილე მესამემ გამოიტანა.

წინასწარ შემოწმებულ და დალუქულ სამლოცველოში  შესული პატრიარქი  რამდენიმე წუთის შემდეგ  33 ანთებული სანთლით გამოვიდა და წმინდა ცეცხლი მომლოცველებს გადასცა.

33 სანთელი სიმბოლურად მაცხოვრის დედამიწაზე ყოფნის წლებს განასახიერებს. როგორც ვიცით იესო ქრისტე  33 წლის ასაკში აცვეს ჯვარს.

წმინდა ცეცხლის გადმოსვლას აღდგომის ტაძარში  მსოფლიოს სხვადასხვა ქვეყნებიდან ჩასული მომლოცველების დიდი რაოდენობა დაესწრო.

როგორც წესი  ცეცხლი იერუსალიმიდან შემდეგ  სხვა მართლმადიდებლურ ქვეყნებში ჩააქვთ.

მართლმადიდებელთა რწმენით, ეს არის უდიდესი საიდუმლო, რომელიც ყოველწლიურად დიდ შაბათს, აღდგომის წინა დღეს მაცხოვრის საფლავზე აღესრულება.

გადმოცემის თანახმად,  ზეციური ცეცხლის რიტუალი იერუსალიმის აღდგომის ტაძარში მესამე საუკუნიდან ტარდება.