საბერძნეთი: არამდგრადი ამინდის შემდეგ მომავალი კვირიდან ტემპერატურა მოიმატებს

ბოლო რამდენიმე დღის არასტაბილური ამინდის შემდეგ, უახლესი პროგნოზით,  ტემპერატურა  მომავალი კვირიდან დაიწყებს მატებას და  ძირითადად სამხრეთ საბერძნეთში (პელოპონისი, წრიული კუნძულები, დოდეკანისი და კრიტი) 30 გრადუს ცელსიუსს მიაღწევს.

კვირას ატიკის რეგიონშიც  თბილი ამინდი იქნება, ტემპერატურა 26 გრადუსამდე მოიმატებს.

ასევე მოსალოდნელია აფრიკის კონტინენტის სიცხის სამდღიანი  “ტალღა” კვირიდან (14/5) სამშაბათის (16/5) ჩათვლით.

ტემპერატურა  სეზონის ნორმალურ დონესთან შედარებით  8-10 გრადუსით მაღალი იქნება.

გარდა ამისა, გაიზრდება ატმოსფეროში საჰარის მტვრის კონცენტრაციაც.

კვირას (14/5)  ქვეყნის დასავლეთ, ცენტრალურ და ჩრდილოეთ ნაწილში ადგილ-ადგილ მოსალოდნელია ღრუბელი, გაზრდილი სპორადული წვიმებით მაკედონიაში, თრაკიაში და შესაძლოა ეპიროსსა და თესალიაში.

ამავდროულად, იონიის ზღვაში ოდნავ  გაძლეირდება  სამხრეთ-აღმოსავლეთის ქარი და ტემპერატურა მოიმატებს  26-დან 27 გრადუსამდე.

ორშაბათს (15/5) ჩრდილო იონიაში, ეპიროსსა და მაკედონიაში მოსალოდნელია  წვიმა.

იქროლებს სამხრეთ-აღმოსავლეთის ქარი, ტემპერატურა კი ოდნავ მოიმატებს.

სამშაბათს და ოთხშაბათს (16 და 17/5) კვლავ მოსალოდნელია  წვიმები  და ადგილობრივი შტორმი თავდაპირველად  დასავლეთ და ჩრდილო-დასავლეთ საბერძნეთში, ხოლო ოთხშაბათს ქვეყნის უმეტეს რაიონებში.