კრიტი: პილოტმა თვითმფრინავი ისევ “აწია” დაშვებამდე, რათა კურდღელი არ მოეკლა

უჩვეულო  შემთხვევა  მოხდა ათენიდან ირაკლიოს  მიმართულებით ავიარეისზე  10 მაისის საღამოს, თვითმფრინავის  აეროპორტში  დაშვებისას, რადგან დაჯდომის  დროს პილოტმა თვითმფრინავი კვლავ “აწია”.

“ბოდიშს ვიხდი, მაგრამ ჩვენ უბრალოდ მოვახერხეთ კურდღელი არ მოგვეკლა” – იმართლა მან თავი ცოტა ხნის შემდეგ, რამაც   მგზავრების გაოცება გამოიწვია.

თუმცა, პილოტის მცდელობის მიუხედავად, კურდღელი საბოლოოდ მოკვდა, როგორც ჩანს, მანქანიდან, რომელიც ცდილობდა ცხოველის საფრენი ბილიკიდან მოცილებას.

გავრცელებული  ინფორმაციით , თვითმფრინავის  დაშვებისას კურდღელი ასაფრენ ბილიკზე გამოჩნდა.

პილოტმა არჩია თვითმფრინავის ხელახლა აწევა, რათა არ მოეკლა ცხოველი.

სალონში აურზაური  შეიქმნა,  მაგრამ როცა მგზავრებს მიზეზი შეატყობინეს, დამშვიდდნენ.

კაპიტანს მოუწია კიდევ ერთი წრის გაკეთება ქალაქის თავზე, საბოლოოდ დაჯდომამდე, რათა ეკიპაჟს  აეროპორტის უსაფრთხოების მანქანის მიერ  მოკლული კურდღელი ასაფრენი ზოლიდან მოეშორებინათ.