საბერძნეთი: არჩევნებთან დაკავშირებით ცენტრალურ მაგისტრალებზე გადაადგილება უფასო იქნება

მთავრობის გადაწყვეტილებით, არჩევნებთან დაკავშირებით  ამომრჩეველთა კომფორტული გადაადგილებისთვის  პარასკევს 19/5 შუაღამედან ორშაბათს 22/5 დილის 8 საათამდე  ქვეყნის ყველა მაგისტრალზე მოძრაობა  უფასო  იქნება .

კერძოდ, 19 მაისს, პარასკევს, შუაღამიდან მძღოლებისთვის ბარიერები საავტომობილო გზებზე  ასევე რიო-ანტირიოს ხიდის მაგისტრალზე მოიხსნება, ხოლო სასამართლოს წარმომადგენლებისთვის უფასო გავლა ამოქმედდება ხუთშაბათს, 18 მაისის  დილიდან,  საჭირო დოკუმენტაციის წარდგენის შემდეგ.

გავრცელებული ინფორმაციით, უფასო ტრანზიტის ღონისძიება 22 მაისს , ანუ არჩევნების მომდევნო დღეს, ორშაბათს, დილის 8 საათამდე იმოქმედებს .

გადასახადების ექსპლუატაციაში მონაწილე კერძო კომპანიებს კი სახელმწიფო ანაზღაურებს შესაბამის ხარჯებს.

სახელმწიფოსა და კომპანიებს შორის დადებული შესაბამისი  ხელშეკრულებებიდან გამომდინარე, სახელმწიფოს უფლება აქვს მოითხოვოს, საჭიროების შემთხვევაში მაგისტრალებზე გადაადგილების გადასახადების აკრეფის შეწყვეტა.

თუმცა ყოველ ჯერზე, როცა ეს ხდება, კერძო კომპანია უფლებამოსილია სთხოვოს მხარეს დაკარგული შემოსავლის დაბრუნება, გავლილი მანქანების რაოდენობის შესახებ ჩანაწერების მიხედვით.