საბერძნეთი: მორიგი “ვენდეტა” ბოშებს შორის და მსხვერპლი 8 წლის ბავშვი
ატიკას ზეფირის ბანაკში ბოშებს შორის მომხდარი მორიგი დაპირისპირება და სროლა ტრაგიკულად დასრულდა, გარდაიცვალა 8 წლის ბავშვი, რომელიც სასიკვდილოდ დაიჭრა.
ტრაგედია შაბათს შუადღისას, (14/10) მარინუ ანტიპას ქუჩაზე მოხდა.
ტრაგიკულ ინციდენტში მონაწილე ორ ოჯახს შორის დღემდე გაურკვეველი მიზეზით წარსულში მომხდარი იყო დაპირისპირება, რის შედეგადაც დაპირისპირებულთაგან ერთმა ოჯახმა ბანაკი დატოვა.
თუმცა დღეისათვის ის უკან დაბრუნდა, რაც შენიშნა მეორე ოჯახმა, რომლის წევრებიც პირველის სახლს მიუახლოვდნენ და სროლა დაიწყეს.
სროლის დროს ბრმა ტყვია სახლს გარეთ მყოფ 8 წლის ბავშვს მოხვდა, რომელიც სასიკვდილოდ დაჭრა. დაჭრილი დაუყოვნებლივ გადაიყვანეს საავადმყოფოში, სადაც მისი გარდაცვალება დადგინდა. მომხდარის გამო აღშფოთებული მისი ახლობლები საავადმყოფოსთან შეკრიბნენ.
ვარაუდობენ, რომ 8 წლის ბავშვის დედამ დაინახა თუ უშუალოდ ვისი ნასროლი ტყვია მოხვდა მის შვილს და დაასახელა დამნაშავე პოლიციაში, რომელიც ტრაგიკულ შემთხვევას იძიებს.
დაძაბულობის თავიდან ასაცილებლად პოლიციის ძალები იმყოფებიან როგორც ზეფირში, ასევე ბავშვთა საავადმყოფოში.
