საბერძნეთი როდოსზე ხანძრის შედეგად დაზარალებულ ტურისტებს უფასო დასვენებას სთავაზობს
საბერძნეთი როდოსზე ერთკვირიან უფასო დასვენებას შესთავაზებს იმ ტურისტებს, რომლებიც იძულებულნი გახდნენ დამანგრეველი ხანძრის გამო კუნძული დაეტოვებინათ, განაცხადა ოთხშაბათს პრემიერ-მინისტრმა კირიაკოს მიცოტაკიმ.
ათასობით ტურისტი ევაკუირებული იქნა ადგილობრივი კურორტებიდან, გასულ თვეში საბერძნეთის კუნძულზე ძლიერი ხანძრების მიერ გამოწვეული ქაოსის გამო.
„საბერძნეთის მთავრობა ადგილობრივ ხელისუფლებასთან თანამშრომლობით, მომავალ გაზაფხულზე ან შემოდგომაზე შესთავაზებს ერთკვირიან უფასო შვებულებას როდოსზე ყველას, ვინც ის ხანძრის გამო გამოტოვა”,- აღნიშნა პრემიერმა ბრიტანულ ITV არხზე საუბრისას.
მიცოტაკიმ ხაზი გაუსვა, რომ დიდი ხანძრები ყოველთვის ხდებოდა ხმელთაშუა ზღვაზე, მაგრამ ბოლო წლებში კლიმატის ცვლილების გამო მათი მასშტაბები შეიცვალა.
საბერძნეთის პრემიერ-მინისტრმა განაცხადა, რომ ხანძრის დროს არც ერთი ადამიანის სიცოცხლე არ დაკარგულა და არც არავინ დაშავებულა.
”ჩვენ მოვახერხეთ 20,000 ადამიანის ევაკუაცია დიდი საფრთხის პირობებში,” – თქვა მან.
კითხვაზე, მზად არის თუ არა საბერძნეთი მიიღოს ბრიტანელი ტურისტები , მიცოტაკიმ უპასუხა: „რა თქმა უნდა, არანაირი რისკი არ არსებობს. ჩვენ ყოველთვის გვქონდა ხანძრები და ეს არ არის მხოლოდ საბერძნეთის პრობლემა, ის მთელს ხმელთაშუა ზღვას ეხება.
