Latest news
Ελληνικό Μετρό: კიფსელის მაცხოვრებლების სახლებიდან გამოყვანის საჭიროება არ არსებობს ბავშვთა დახმარება A21: 27 ნოემბრიდან ისევ იხსნება ელ.პლატფორმა განცხადებების მისაღებად გიორგოს მაზონაკისის გარდაცვალების მიზეზად პროპოფოლი დასახელდა მასშტაბური ღონისძიებები პოლიტექნიკურ უნივერსიტეტში ხუთი ევროპული ქვეყანა რუანდაში მიგრანტთა დაბრუნების ცენტრის შექმნას გეგმავს 17 ნოემბრის მნიშვნელობა სრულიად საბერძნეთისთვის 17 ნოემბერს შუადღის 2 საათიდან დაიკეტება მეტროსადგური: სინდაგმა, პანეპისტიმიო და მეღარო მუსიკის ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა
სამშაბათი, ნოემბერი 17, 2026
საბერძნეთიჯანმრთელობა

საბერძნეთი ხელოვნური ინტელექტის გამოყენებით სიმსივნური უჯრედების ადრეული გამოვლენის კვლევაში მონაწილეობას იღებს

საბერძნეთი ხელოვნური ინტელექტის გამოყენებით სიმსივნური უჯრედების ადრეული გამოვლენის კვლევაში მონაწილეობას იღებს

საბერძნეთის „აღიოს სავას”-ის საავადმყოფო მონაწილეობს საერთაშორისო მრავალცენტრულ კვლევაში, რომლის მიზანია ხელოვნური ინტელექტის (AI) გამოყენება თავისა და კისრის კიბოს ადრეული გამოვლენის გასაუმჯობესებლად. კვლევაში საბერძნეთთან ერთად მონაწილეობენ სამეცნიერო ჯგუფები ესპანეთიდან, იტალიიდან, ჩინეთიდან და ინდოეთიდან.

კვლევის ფარგლებში შექმნილი AI პროგრამა ენდოსკოპიური გამოსახულებების ანალიზით ექიმებს ეხმარება განსაზღვრონ, არის თუ არა აღმოჩენილი დაზიანება სიმსივნური. პროგრამა ამ ეტაპზე კვლევით ინსტრუმენტს წარმოადგენს და კლინიკურ პრაქტიკაში ჯერ არ გამოიყენება. კვლევის შედეგებზე უკვე გამოქვეყნდა ორი სამეცნიერო ნაშრომი საერთაშორისო ჟურნალებში.

„აღიოს სავას“-ის თავისა და კისრის კიბოს ადრეული გამოვლენის სპეციალიზებულ კაბინეტში, რომელიც 2020 წლიდან ფუნქციონირებს, 1 200-ზე მეტი პაციენტი გამოიკვლიეს. შექმნილია 3 300-ზე მეტი სამედიცინო ჩანაწერი და დაგროვებულია 46 500-ზე მეტი ციფრული ენდოსკოპიური გამოსახულება.

კაბინეტში გამოიყენება NBI (Narrow Band Imaging) ტექნოლოგია, რომელიც სპეციალური სინათლის ტალღების გამოყენებით ქსოვილის ცვლილებების უკეთ ვიზუალიზაციას უზრუნველყოფს. ტექნოლოგია ექიმებს ეხმარება საეჭვო და კიბოსწინარე დაზიანებების უფრო ზუსტად აღმოჩენაში და საჭიროების შემთხვევაში ბიოფსიისთვის შესაბამისი ადგილის შერჩევაში.

ექიმები ხაზს უსვამენ, რომ NBI ტექნოლოგია ბიოფსიასა და ჰისტოლოგიურ გამოკვლევას არ ცვლის. მისი ერთ-ერთი მნიშვნელოვანი უპირატესობა ასევე დაზიანებების დროში ციფრულად დაკვირვებისა და სხვადასხვა პერიოდში გადაღებული გამოსახულებების შედარების შესაძლებლობაა.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *