საბერძნეთში ონკოლოგიური და პედიატრიული პაციენტები შეაფასებენ საავადმყოფოების მომსახურების ხარისხს
საბერძნეთში ონკოლოგიური და პედიატრიული პაციენტები შეაფასებენ საავადმყოფოების მომსახურების ხარისხს
საბერძნეთის ჯანდაცვის მინისტრმა განაცხადა, რომ იწყება საავადმყოფოების შეფასების ახალი ეტაპი, რომელშიც პირველად ჩაერთვებიან ონკოლოგიური და პედიატრიული პაციენტები. შეფასების სისტემა უკვე მოქმედებს ქვეყნის 114 საავადმყოფოსა და 706 კლინიკაში.
მინისტრის ინფორმაციით, ამ დროისთვის პაციენტებს თითქმის 500 000 შეტყობინება გაეგზავნათ, საიდანაც კითხვარები დაახლოებით 90 000-მა ადამიანმა (19%) შეავსო.
ახალი პროგრამის ფარგლებში თავდაპირველად შეფასების შესაძლებლობა ექნებათ იმ ონკოლოგიურ პაციენტებს, რომლებმასაც ქირურგიული ოპერაცია ჩაუტარდათ. 2026 წლის ბოლომდე სისტემაში ჩაერთვებიან ქიმიოთერაპიის პაციენტებიც, ხოლო 2027 წლის პირველ ნახევარში სხივური თერაპიის მიმღები პაციენტები.
ჯანდაცვის მინისტრის თქმით, ეს არის პირველი შემთხვევა, როდესაც ჯანდაცვის სამინისტრო ამ კატეგორიის პაციენტების გამოცდილებას ასეთი დეტალური მიდგომით შეისწავლის. პედიატრიული პაციენტების შემთხვევაში კითხვარებს მათი მშობლები ან კანონიერი მეურვეები შეავსებენ.
ჯანდაცვის მინისტრის მოადგილემ, მარიოს თემისტოკლეუსმა, აღნიშნა, რომ პაციენტების შეფასებები უზრუნველყოფს საბერძნეთის ეროვნული ჯანდაცვის სისტემის მაღალი ხარისხის მომსახურებას, ხოლო წაწრსულში მიღებული შეფასებები სხვა, უფრო დიდი ქვეყნების ჯანდაცვის სისტემების მაჩვენებლებს შეესაბამება.
