პატიმრობა შეეფარდა 34 წლის ქალს, რომელმაც ჩვილი ნაგავში გადააგდო

პატიმრობა შეეფარდა 34 წლის ქალს, რომელმაც ჩვილი ნაგავში გადააგდო

სამშაბათს, 20 მაისს, გაიცა 34 წლის ქალისთვის პატიმრობის შეფარდების ბრძანება, რომელმაც ნეა ალიკარნასოში ჩვილი ბავშვი ნაგავში გადააგდო.

creta24.gr – ის მიერ გავრცელებული ინფორმაციის თანახმად 34 წლის ქალი ამ დრომდე გადის მკურნალობას ირაკლიოს საუნივერსიტეტო კლინიკაში, ხოლო ჩვილი კი ახალშობილთა განყოფილებაშია განთავსებული. ექიმები აცხადებენ, რომ ბავშვი ჯანმრთელია და მის სიცოცხლეს საფრთხე არ ემუქრება.

ადვოკატმა 34 წლის ქალის ფსიქიკური ჯანმრთელობის შემოწმება მოითხოვა და იქვე დასძინა, რომ მისი კლიენტი პატიებას ითხოვს, რადგან არ იცოდა რას აკეთებდა.

“აღელვებულია და სრულ პანიკაშია. ფსიქოლოგიური პრობლემები აქვს.” – აცხადებს ღიორღოს კარუცოსი, დაკავებულის ადვოკატი.