Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიკრიმინალი

სასამართლომ ომონიის პოლიციის განყოფილებაში 19 წლის გოგონას გაუპატიურების საქმის განხილვა დაიწყო 

სასამართლომ ომონიის პოლიციის განყოფილებაში 19 წლის გოგონას გაუპატიურების საქმის განხილვა დაიწყო 

სამი პოლიციელიდან ორმა, რომლებსაც ბრალი ედებათ ომონიის პოლიციის განყოფილების გასახდელში 2022 წლის ოქტომბერში, სამსახურებრივი მოვალეობის შესრულების დროს, 19 წლის გოგოს გაუპატიურებაში, დღეს შერეულ ნაფიცმსაჯულთა სასამართლოსთვის მიცემულ ჩვენებებში განაცხადა, რომ გოგონასთან სექსუალური კავშირი მისი თანხმობით დაამყარეს.

კერძოდ სასამართლო პროცესზე პოლიციელებმა წაყენებული ბრალდება უარყვეს, ხოლო მესამე ბრალდებულმა კი განაცხადა, რომ ვერასდროს წარმოიდგენდა თუ მისი უფროსები სექსუალურ კავშირს დაამყარებდნენ გოგონასთან და რომ სცოდნოდა არასდროს მისცემდა უფლებას მათ გოგონაზე ძალადობის უფლებას და უფრო მეტიც დააკავებდა კიდეც. 

“დროის უკან დაბრუნება რომ შემეძლოს ისე არ მოვიქცეოდი როგორც იმ დღეს. სექსუალური კავშირი რომ თანხმობით მოხდა ამაზე პირველ ჩვენებაშიც ვისაუბრე. თუმცა ეს ქმედება არ იყო შესაფერისი არც ჩემთვის, არც იმ უწყებისთვის, რომელსაც ვემსახურები და რათქმაუნდა არც ჩემი ოჯახსითვის. შეცდომა დავუშვი და ეს ვაღიარე პირველივე დაკითხვის დროს. თისიოზე ვიმყოფებოდით როცა მოგვიახლოვდა და სამსახურთან დაკავშირებით რაღაც გვკითხა. გვითხრა რომ არ აზღვევდა დამსაქმებელი და საჩივრის შემოტანა სურდა ამ საკითხთან დაკავშირებით. ჩვენ პოლიციის განყოფილებაში გადავამისამართეთ რომ დაწვრილებითი ინფორმაცია მიეღო ამ საკითხთან დაკავშირებით. როდესაც გვკითხა სად იყო უახლოესი განყოფილება ჩვენ ომონიის განყოფილების კოორდინატები მივეცით. შემდეგ საუბარი მეგობრულად გავაგრძელეთ და ინსტაგრამზე გამოვიწერეთ ერთმანეთი.” – აცხადებს ერთ-ერთი ბრალდებული.

მოსამართლის მიერ დასმულ კითხვაზე თუ რამდენად ხშირად ამატებენ ინსტაგრამზე პოლიციელები ადმაიანებს, რომლებიც საჩივრის შეტანის სურვილით მიმართავენ ბრალდებულმა უპასუხა: 

“არ არის ჩვეული პრაქტიკა, მე თან ურთიერთობაში ვარ სხვასთან. უბრალოდ მეგობრულად მოგვიდგა და ეს მომეწონა. როდესაც განყოფილებაში შევხვდით მან თავად გვთხოვა მორიგე ოფიცერთან გავყოლოდით, რომ საჩივარი დაეწერა. როდესაც ლიფტს მივუახლოვდით გვითხრა რომ ნანობდა და გადაიფიქრა საჩივრის შეტანა. შემდეგ გვკითხა თუ რა იყო მოპირდაპირე კარს მიღმა, სადაც გასახდელია და იქვე მიმითითა, რომ ფორმიანი კაცები მოსწონს და ღიაა ახალი გამოცდილებებისთვის, ხოლო საჩვარი იყო მიზეზი, რომ ჩვენთან კონტაქტი დაემყარებინა. შემდეგ დამიჭირა და მაკოცა, აქამდე არცერთ გოგოს უკოცნია ჩემთვის და დავიბენი, თან მოვიხიბლე და სწორედ ასე გადაიზარდა ყველაფერი კოცნიდან სექსუალური კავშირის დამყარებაში.”

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *