საშინელი დანაშაული აშშ-ში: ქალმა 47 წლის პარტნიორს თავი მოჰკვეთა
მორიგი შოკისმომგვრელი მკვლელობა შეერთებულ შტატებში, ამჯერად ნევადაში.
47 წლის ჯეიმს ვილეტის თავი მოჰკვეთა მისმა 45 წლის პარტნიორმა, დევინ მაიკლსმა.
New York Post-ის ცნობით, 45 წლის ქალი პარტნიორისთვის თავის მოკვეთის შემდეგ, მისი გვამის გაქრობას ქლორის და ამიაკის გამოყენებით ცდილობდა. შვილის თავმოკვეთილი ცხედარი დედამ აღმოაჩინა და პოლიციას შეატყობინა.
ადგილზე მისულ ძალოვანებს ქალმა უთხრა, რომ მისი შვილის ცხედარს კვამლი ჯერ კიდევ ასდიოდა, ხოლო გამოყენებული ძლიერი ქიმიკატების გამო სააბაზანოში ძლიერი სუნი იდგა.
საქმის კიდევ უფრო შემზარავს ხდის ის ფაქტი, რომ მსხვერპლის მოკვეთილი თავი ჯერ კიდევ არ არის ნაპოვნი.
დამნაშავის დასაკითხად სიცრუის დეტექტორი გამოიყენეს, რომელმაც ქალის ბრალეულობა დაადასტურა.
დაკითხვის შემდეგ დამნაშავე ამტკიცებდა რომ მისი პარტნიორი მასზე ძალადობდა და მათ უფროს შვილს აიძულებდა მამის თვალწინ ებანავა.
მკვლელობის მომენტის აღწერისას ქალი ამტკიცებდა, რომ მსხვერპლს თავში მძიმე საგანი ჩაარტყა მას შემდეგ, რაც მამაკაცმა მასზე სექსუალური ძალადობა სცადა. მისი თქმით, არ სურდა პარტნიორის მოკვლა, უბრალოდ უნდოდა იმ დონემდე დაეზიანებინა, რომ მისი ჰოსპიტალიზაცია გამხდარიყო საჭირო, რათა დრო მოეგო და ამასობაში გადაეწყვიტა, როგორ მოქცეულიყო და სად დაებინავებინა მათი შვილები.
